Yérémia
48 Haana nyen Yéhôva nu mintôñ mi gwét, Nyambe nu Israel a nkal inyu Môab:+
“Ngoo ni Nébô+ inyule a mal tjiba!
Yak tison Kiriataim+ i nwo nyuu, i nyôña ki.
Bañga lisolbene* i nwo nyuu, i ntjiba+ ki.
2 Bôt ba mbégés ha bé Môab.
I Hesbôn+ nyen bôt ba ñôô jimb inyu tjiba yé:
‘Loga, di mélés i loñ ini.’
Yak we, a Madmen, u nlama mom nwee,
inyule pansoñ i yé i noñ we.
3 Minlondok mi nlôl i Hôrônaim,+
inyule tison i ntjiba, i nkuuba yosôna.
4 Môab a nkuuba.
Bon bé ba mbégél.
5 I mabeda ma Luhit, bôt ba yé i bet i njel, ba eek.
I makuli ma Hôrônaim, bôt ba nok minlondok mi njiiha inyule bikuu bi nkwo.+
6 Kena ngwéé inyu pei nyemb!
Yilnana kiki e junipa* ikété ñoñ.
7 Hala kiki u mbôdôl minson nwoñ ni nkus woñ ñem,
yak we w’a gwéla.
Kémôs+ a ga ke i minkôm,
lôñni biprisi gwé ni baane bé.
8 Ntjé-bôt a ga jôp i bitison gwobisôna,
to yada i ga pei bé.+
Nsôsôgô* u ga tjiba,
yak tegep mbok i ga tjiba, kiki Yéhôva a bi pot.
9 Biina yimbne mu nloñ inyu unda Môab njel,
inyule i ngéda a nkwo, bôt bé ba ga ke ngwéé,
bitison gwé bi ga yila yom bilim,
mut nye ki nye a ga yén ha bé mu.+
10 Tiihe tiihe ni mut a ngeñee inyu gwel nson u Yéhôva!
Tiihe tiihe ni nu a ntjél gwélél pansoñ yé inyu kôp matjél.
11 Bôt ba Môab ba niñ ikété nsañ ibôdôl i binéñél gwap,
kiki wai ba nwas le mbit i tegep.
Kiki wai le ba nwas ikété liñgak le i tegep. Ba nyoñ bé yo inyu sugul yo ikété séya ipe,
to bo ba maa bé ke i minkôm.
Jon line jap li ngi yii nlélém,
to njiñ yap i bi héñha bé.
12 “‘Inyu hala nyen dilo di ga lo,’ hala nyen Yéhôva a nkal, ‘me ga om bôt le ba bes bo ’isi. Ba ga bes bo ’isi kiki wai le mut a nsop, mañgak map ma yégle hôlô, ba bol dimbôga tjap bipes bipes. 13 Kémôs a ga wéha bôt ba Môab nyuu, kiki Bétel a bi wéha litén li Israel nyuu, ndi ki le li bé bôdôl nye ñem.+
14 Lelaa ni nla kal le: “Di yé bajogwét bakeñi, di yé nkôôbaga inyu gwét?”’+
15 ‘Môab a mal tjiba,
baoo ba njôp+ i bitison gwé,
bañga yé boñge ba wanda i mal nôla,’+
hala nyen Kiñe, nu jôl jé le Yéhôva nu mintôñ mi gwét,+ a mpot.
16 Ndutu i bôt ba Môab i yé bebee,
tjiba yap i yé i kôôge ngwéé ngwéé.+
17 I bôt bobasôna ba yé ipañ yap ba ga kon bo ngoo,
yak ni bôt bobasôna ba nyi bonjee ba bé.*
Kala bo le: ‘Ngoo le ntoñgo u ngui u mbugi; ñ, ntoñgo u bilama!’
18 A ngond i nyééne i Dibôn,+
yék lipém joñ, yén ’isi, nyus i bak i gwé we,*
inyule i mut a nlama tjé Môab a nlo,
a ga bôk bitison gwé bi bi gwé mapénd ma ngui.+
19 A mut nu a nyééne i Arôer,+ telep ipañ njel, u béñge.
Bat i munlôm a yé i ke ngwéé, ni i muda a yé i so le: ‘Kii i mbôña?’
20 Môab a nwo nyuu, woñi u nol nye.
Eena, béglana ki.
Leglana i Arnôn+ le Môab a mal tjiba.
21 “Kogse i mal bol i tegep mbok,+ yak i Hôlôn, i Yahaz+ ni i Méfaat;+ 22 i Dibôn,+ Nébô+ ni Bét-Biblataim; 23 i Kiriataim,+ Bét-Gamul ni Bét-Méôn;+ 24 i Kériôt+ ni Bôzra; i bitison gwobisôna bi loñ Môab, bi bi yé haa ni bi bi yé bebee.
25 ‘Ngui* Môab i mal;
yak woo wé u mbugi,’ hala nyen Yéhôva a mpot.
26 ‘Nyuha nye maok le a hiôô,+ inyule a kadbaga le a nyémbél Yéhôva.+
Môab a mbéñba mu bilôô gwé,
mbok yosôna i nol nye hiol.
27 Baa we bé nyen u bé nol Israel hiol?+
U bé yan nye, u ôbhak nye jôl inyuki?
Baa u bi tehe le a yé mut wip?
28 A bôt ba Môab, nyodna na i bitison, ke yéna i maaa,
yilnana kiki hibeñ hi hi ñoñ jumbul jé i mapañ ma mpuge.’”
29 “Di bi nok ngan inyu ngôk u Môab, a nhumbul nyuu ngandak;
ngan inyu lipamal jé, ngôk wé, humbulnyuu yé, ni bikadba gwé.”+
30 “‘Me nyi le a mpala unup,’ hala nyen Yéhôva a mpot,
‘ndi bipopoda gwé bi yé yañga.
A ga boñ bé i jam a mpot.
Mintjep nwoñ mi mi num matam, mi mal yap tuye.
Mi mpam nyoo i tuye, i Yazer.
Ntjé-bôt a nkwél
matam moñ ma ngéda sép ni libumbul joñ li matam ma nkôô wai.+
33 Maséé ni mahak ma ta ha bé i wom,
to i loñ Môab.+
Me mélés wai i waa wai.
Mut nye ki nye a ga tjo ha bé wai, a leñek diléla.
Bôt ba ga lond, ndi minlondok mi mba bé minlondok mi maséé.’”+
34 “‘Minlondok mi Hesbôn+ mi mpam i Éléalé.+
Yak malép ma Nimrim ma ga sa.+
35 Nu a nlona likébla i homa a nyôgi,
ni nu a nlo i sémél nyambe wé sesema,
m’a mélés bo i Môab,’ hala nyen Yéhôva a mpot.
Inyule lingwañ a bi kôhna li ga tjiba.
37 Inyule miño nwominsôna mi yé nhombok,+
mayéé momasôna ma yé nkohlak.
38 “‘I minyôl mi Môab nwominsôna,
ni i minloñ nwé nwominsôna,
yom ipe i ta bé, ndik maéya ni maéya.
Inyule me mbol Môab
kiki hibee hi hi nkona ha bé ngôñ,’ hala nyen Yéhôva a mpot.
39 ‘Béñgnana kiki a nkon woñi! Béglana!
Béñgnana kiki Môab a nso ni wonyuu yosôna!
Bôt bobasôna ba nol Môab hiol,
i bôt bobasôna ba yé nye ipañ ba nkon woñi i ngéda ba ntehe nye.’”
40 “Inyule haana nyen Yéhôva a mpot:
41 Ba ga yoñ bitison gwé,
ba gwel minkum nwé mi mandap.
I yokel nu, miñem mi bôt ba gwét ba Môab
mi ga ba kiki ñem u muda nu a nkôôga.’”
43 Woñi, bibee ni tjandi gwon bi yé we i bisu,
a we nu u yiine i Môab,’ hala nyen Yéhôva a mpot.
44 ‘I mut a ga ke ngwéé inyule a nkon woñi, a ga kwo ikété bee,
i mut a ga nyodi ikété bee a ga gwiya* i hiandi.’
‘Inyule nwii kogse u Môab u nkola,’ hala nyen Yéhôva a mpot.
45 ‘I bôt ba nso, ba ga telep isi yiye i Hesbôn, ba bak ntombok.
Hié hi ga lôl i Hesbôn,
lindômbôô li hié ikété Sihôn.+
Hié hi ga ligis Môab i mbom,
hi ligis ki kégéé ño i bôt ba gwét ba ba nyai.’+
46 ‘Ngoo ni we, a Môab!
Litén li Kémôs+ li ntjiba.
Inyule bon boñ bôlôm ba ngwéla,
bon boñ bôda ba nke i minkôm.+
47 Ndi i dilo di nsôk, me ga kot bôt ba Môab ba ba bi ke i minkôm,’ hala nyen Yéhôva a mpot.
‘Hana nyen mbagi kogse i Môab+ i mélél.’”