The Hiémbi hi Salômô

7 “Makôô moñ ma yé malam ikété bitamb gwoñ,

a bañga hingonda!

Maôñg ma mabel moñ ma yé kiki bieñg bilam,

nson u moo ma mut likeñge.

Libum joñ li yé nwind mi blé,

mi mi yé nkéñék ni mbônji.

 3 Méé moñ ma yé kiki bon iba ba ñin ngôlôñ,

mahas ma sô titigi.+

Mis+ moñ ma yé kiki bititimba bi Hesbôn,+

bebee ni nwemel u Bat-Rabim.

Jôl joñ li yé kiki nkum ndap u Libañ,

u u mbéñge i pes i Damaskô.

 5 Ño woñ u mpôna Karmel,+

tjôñ tjoñ*+ di yé wedewede* kiki mahuu ma ntômba.+

 6 A hingonda me ngwés, u ne iloo mane momasôna,

kinje nlam u yé, kinje bilem bilam u gwé!

 7 U téé kiki lién,

méé moñ ma yé kiki mayuu ma lién.*+

 8 Me bi kal le: ‘Me ga bet i ngii lién

inyu kit mayuu ma ma gwé matam.’

Méé moñ ma ba kiki liyuu li minkôô mi wai,

yak njiñ nhébék woñ i ba kiki njiñ pôm,

 9 yak nyo* woñ u ba kiki wai ilam.”

“I kuli mbeñel i libit li nugwéha wem,

kiki i mbéna kuli mbeñel i bibép bi bôt ba yé ’ilo.

10 Me yé inyu nugwéha wem,+

metama nyen a ngwés.

11 A nugwéha wem, loo,

loo, di kenek i nwom;

loo, di yén ipôla tén i lélé i bausa.+

12 Di pule telep, di kee i nwom mi minkôô mi wai

inyu tehe too minkôô mi wai mi ntoo,

too bisem bi nyibla,+

too bie bi grénad bi nsem.+

13 Njiñ mut ’isi*+ i nkahal tu;

mintén mi matam malam nwominsôna mi yé i manwemel més.+

Matam ma mondo ni minlômbi mi matam,

me ntééda mo inyu yoñ, a nugwéha wem.