Hiôb
31 “Me bi boñ malômbla ni mis+ mem.
Lelaa ni me yé le me béñge ngond ngi yi munlôm ni mahoñol mabe?+
2 To ibale me boñ hala, ki Nyambe a ntehe laa me?
Ki imbe ngababum Nu ngui yosôna i bahoma ba nyôgi a nti me?
3 Baa bikuu bi mbem bé mboñbéba,
yak mandutu ma bemek ba ba mboñ mam mabe?+
4 Baa Nyambe a ntehe bé manjel+ mem?
Baa a mbéñge bé maboñok mem* momasôna?
5 Baa me ma lôk mut?*
Baa kôô wem u ma hoo ke i boñ mandon?+
7 Ibale mabal mem ma nyodi i loñge njel,+
ibale ñem wem u bi noñ mis+ mem,
tole me hindis moo mem ni yom nyega,
8 wee mut numpe a je i yom me nsal,+
a nup ki i yom me mbel.*
9 Ibale muda+ a bi yoña me ñem,
ndi me solop, me pôôbege+ i likôga li mut wem libôk,
10 wee nwaa wem a kôgôl munlôm numpe kôn,
11 Inyule hala a yé liboñok li li nwéhna nyuu,
hihôha bakéés ba kôli kogse.+
13 Ibale me bi bep kéés bagwélél bem ba bôlôm ni ba bôda
i ngéda ba bé tjelel inyu yem,*
14 m’a boñ lelaa i ngéda Nyambe a ga kéés me?*
M’a timbhe lelaa nye i ngéda a ga lo i wan hop wem?+
15 Nu a bi uñgus me ikété libum, baa nye bé ki nyen a bi uñgus bo?+
Baa nye bé ki nyen a bi mma bés ilole di ngwéé?*+
16 Ibale me bi nim diyeyeba i gwom bi bé béda bo,+
tole me boñ le yik muda+ i ee;*
17 ibale me bi je ngaba yem bijek metama,
ndi me ti bé gwo bon ba nyuu;+
18 (inyule ibôdôl me mañge wanda, me bi néñés man nyuu,* me bak nye kiki isañ,
19 Ibale me bi tehe le lihep li nsômbôl nol mut inyule a gwé bé mbot,
tole me tehe hiyeyeba hi hi gwé bé yom yo ki yo i hôba;+
inyule me bi ti bé nye mahuu ma ntômba wem inyu nok lék;
21 ibale me bi han man nyuu+ le me ñôm nye bikut
i ngéda a bééna ngôñ ni mahôla mem* i nwemel u tison;+
22 wee woo wem* u sodla me i tuu,
yak woo wem u bugne me i nkun woo.*
23 Inyule me bé kon kogse i Nyambe woñi,
me bé la bé to telep i bisu bi bikeñi gwé.
24 Ibale me bi ha ñem wem mu gôl,
tole me kal bañga gôl le: ‘Wen me mbôdôl ñem!’+
25 Ibale maséé mem ma bé lôl mu ngandak yem lingwañ,+
ni mu ngandak nkus me bi kot;+
26 ibale me bi tehe hiañgaa* hi mbai,
tole me tehe sôñ i nke ni bilama+ gwé;
27 ndi hala a yoña me* bisôsôli,
me sos ki woo wem ni nyo wem inyu bégés gwo;+
28 wee hala a yé hihôha bakéés ba kôli kogse,
inyule wee me ntañba bañga Nyambe nu a yé i ngii.
29 Baa me ma kon maséé ni tjiba i ñoo wem,+
tole me ma hak i ngéda béba i nkwél nye?
30 Me maa bé nwas le nyo wem u boñ béba,
to kum soñ le a wo.+
31 Baa bôt ba ndap yem bé bon ba bi kal le:
‘Njee a nla unda bés mut nu a bi je bijek* bi Hiôb, ndi a nuu bé?’+
32 Nkén mut to wada a bé tégbaha bé u i mbégdé;+
me bé yiblene yak nke liké makôga mem.
33 Baa me ma noode hô bibéba gwem kiki bôt bape,+
me sôak hihôha hiem ikété mpék u mbot yem?
34 Baa me bi sehla i bisu bi limut likeñi li bôt,
tole baa diyana di mahaa mape di bi buuha ñem wem matjél,
kayéle me yip nyo, me konok woñi i pam i mbégdé?
35 Éé, ibale mut a emblege+ to me!
Ki me nkum soñ le hiki buk me mpot i yé maliga.*
Nu ngui yosôna a timbhe+ le me!
Ibale i mut a nsoman me a bak to le a tila minsohi a ñôm me ikété kaat!
36 Ki me nkéhi yo i tuu yem,
ki me nhôô ki yo i ngii ño wem kiki ntut.
37 Ki m’a timbhe i bisu bi Nyambe inyu hiki jam me mboñ;*
me tiige ki nye bebee kiki ñane, ngi woñi wo ki wo.
38 Ibale hisi hiem hiomede hi bé unbene me inyule me bi nip hio,
yak dikuu tjé tjodisôna di eek;
39 ibale me bé je matam ma hisi yañga,+
yak bôt ba nogok ndutu inyule me nyoñ disi tjap;+
40 wee blé bé yon i pam i wom wem, ndi biloo;
wee to kôn* i pam bañ, ndi kai i i numb béba njiñ.”
Hana nyen bibañga bi Hiôb bi mélél.