Tjémbi
Biniigana inyu ñéga kôa; kingéda hiémbi hi hi gwé ño le: “Mbônji i mbôgi.” Miktam* i David, inyu niiga; i ngéda a bi jôs Aram-Naharaim ni Aram-Zôba, ni i ngéda Yôab a bi témb, a ma nol 12 000 bôt ba Édôm i nsôsôgô u Bas.+
60 Éé a Nyambe, u bi tjôô bés, u yémbél bés.+
U bi unbene bés; ndi nano, témb leege bés!
2 U bi boñ le hisi hi nyeñg, u kan hio.
Tibil bahoma bé ba ba mbugi, inyule hi yé i kuuba.
3 U bi boñ le bikuu bi kwél litén joñ.
U nyus ki bés wai, i i mboñ bés le di ke di ntômnde.+
4 I bôt ba nkon we woñi, ti* bo ngim yimbne
le ba so, ba keñgle ki makoñ ma mpihlôñgô. (Selah)
5 Sôñ bés ni woo woñ walôm, timbhe+ ki masoohe més,
inyu boñ le bagwélél boñ, ba u ngwés ba tohlana.
6 Ikété libak jé lipubhaga,* Nyambe a mpot le:
M’a leñ diléla inyule m’a yémbél Filistia.”+
9 Njee a’ kena me i tison ba nkéña?*
Njee a’ éga me letee ni i Édôm?+
10 Baa we bé, a Nyambe? We nu u bi tjôô bés?
Baa we bé, a Nyambe wés? We nu u nke ha bé ni mintôñ nwés mi gwét?+
11 Hôla bés ikété njiiha yés,
inyule tohi i nlôl yak bôt ba binam i yé yañga.+