Yérémia
51 Haana nyen Yéhôva a mpot:
2 Me ga om bôt le ba seghe Babilôn,
ba ga seghe nye, ba yilha loñ yé hôlô;
i kel bikuu, bôt ba ga lôl bipes gwobisôna inyu jôs nye.+
3 Baleñ mimpihlôñgô ba nimbil* bañ mimpihlôñgô nwap.
Nu ni nu a hééba kôti kei a telep bañ.
Ni kônôl bañ boñge bôlôm ngoo.+
Tjéna ntôñ wé gwét wonsôna.
4 Makoñ ma ga ôm bôt i minloñ mi Babilôn,+
mim mi mba mi niñi homa nyensôna i loñ Kaldéa.
5 Inyule Yéhôva nu mintôñ mi gwét, Nyambe wap, a nyék bé Israel bo Yuda. Ba ta bé kiki biyik bi bôda.+
I mis ma Numpubi nu Israel, loñ Kaldéa i yé nyonok ni mam mabe.
6 Kena Babilôn ngwéé,
sona inyu pei nyemb.+
Ni wo bañ inyu bibéba gwé.
Inyule ngéda mapuna ma Yéhôva ini.
A yé i timbhe nye inyu maboñok mé mabe.+
7 Babilôn a bé libôndô li gôl i woo u Yéhôva;
Babilôn a bi hiuus hisi hiosôna.
8 Ndi kunda yada, Babilôn a bi kwo, a bugi.+
Eegana nye!+
Yéña môô inyu hôyôs njôghe yé; bebek le a ga mbôôp.”
9 “Di bi noode mélés kon u Babilôn, ndi a nla bé mbôôp.
Nwaha nye, di kenek hiki mut i loñ+ yé.
Inyule mam mé mabe ma mpam letee ni i ngii;
ma mpam yak letee ni i ond.+
10 Yéhôva a mal bagal nkaa wés ni telepsép.+
Loga, di añal minson mi Yéhôva Nyambe wés i Siôn.”+
11 “Hôla makoñ;+ beegana biben bi bi yé ngiiña.*
Yéhôva a ntinde bikiñe bi bôt ba Média le bi kenek i gwét,+
inyule a nsômbôl tjé Babilôn.
Mapuna ma Yéhôva ma, mapuna inyu témpel yé.
12 Tééna yimbne*+ le bisônda bi kodba inyu ke i bôk mapénd ma Babilôn;
tééna bôt ba faa, ni kéñbaha ki nsoñgi wap.
Ni bugus bisônda bipe le bi solop bebee ni bôt ba Babilôn.
Inyule Yéhôva a ñôt minsoñgi,
a ga yônôs ki i jam a bi bôn le a mboñ bôt ba ba nyééne i Babilôn.”+
13 “A muda nu a yiine i ngii ngandak malép,+
a we nu u gwé ngandak nkus,+
lisuk joñ li nkola, yéñe yoñ u kôhnaga i nlama mal.+
14 Yéhôva nu mintôñ mi gwét a nkum soñ ni nyemede le:
‘M’a yônôs bôlôm i weeni, ba ga bôl kiki bitandi,
ba ga tubul we tjémbi i ngéda ba ga yémbél we gwét.’+
17 I bôt bobasôna ba mboñ bijôñ bi mam, ba gwé bé yi yo ki yo.
Hiki ñôô bikei a ga wo nyuu inyu ntjok ôñgba a mbañ;+
inyule ñôôk ôñgba* i yé malôga,
to hép i nhép bé.+
18 I bisat bi, bi yé ndigi yañga,+ bôt ba kôli nol gwo hiol.
I hilo hiap hi bikééhene, bi ga tjiba.
19 Ndi Nu a yé ngaba i Yakôb a ta bé kiki i gwom bi,
inyule nyen a bi hek gwom gwobisôna,
Jôl jé le Yéhôva nu mintôñ mi gwét.”+
20 “U yé kiki mboñgo kék inyu yem, ni jôl gwét,
wen m’a gwélél inyu nyugut biloñ.
Wen m’a gwélél inyu tjé biane.
21 Wen m’a gwélél inyu nyugut hosi ni mut a nluk yo.
Wen m’a gwélél inyu nyugut kak gwét ni mut a nluk yo.
22 Wen m’a gwélél inyu nyugut munlôm ni muda.
Wen m’a gwélél inyu nyugut mañ mut ni mañge.
Wen m’a gwélél inyu nyugut mañge munlôm ni mañge muda.
23 Wen m’a gwélél inyu nyugut ntééda mintômba ni bémba yé.
Wen m’a gwélél inyu nyugut nsalnwom ni binuga a ngwélél inyu sal nwom.
Wen m’a gwélél inyu nyugut bangomin ba bipes bi mbok, ni bakot nkus bakeñi.
24 Me ga kogse Babilôn ni bôt bobasôna ba nyééne i Kaldéa,
inyu mam mabe momasôna ba bi boñ i Siôn i bisu binan,”+ hala nyen Yéhôva a mpot.
25 “Me ni we di gwééna,+ a hikôa hi tjiba,” hala nyen Yéhôva a mpot,
“we nu u bi tjé nkoñ ’isi wonsôna.+
M’a sambal woo wem inyu kogse we, me biiñgaha ki we isi maaa,
me yilha ki we nlégék hikôa.”
26 “Mut a ga yôñôl bé ngok likas li ndap i weeni, to ngok inyu tek hikuu,
inyule w’a ba hôlô i boga ni boga,”+ hala nyen Yéhôva a mpot.
Hema hioñ ikété biloñ.
Pohlana* matén ma ma nke i jôs Babilôn gwét.
Séblana biane bi Ararat,+ bi Mini, ni bi Askénas+ le bi leñ nye gwét.
Yéña sônda i i nlama pohol bôt ba nke i jôs nye.
Bulhana bihosi kiki bitandi.
28 Pohlana* matén ma ma nke i jôs Babilôn gwét,
yak ni bikiñe bi Média,+ bangomin ba bipes gwé bi mbok, ni bakot nkus bakeñi bobasôna,
ni minkoñ nwominsôna mi yé isi ane yap.
29 Hisi hi ga nyeñg, hi bôak,
inyule sômbôl i Yéhôva inyu Babilôn i ga yon,
a ga yilha loñ Babilôn yom bilim, mut a ga ba ha bé mu.+
30 Bisônda bi Babilôn bi nke gwét ngwéé.
Bi yii i masolbene map ma ngui.
Ngui i mal bo.+
Bi nyila kiki bôda.+
Mandap mé ma nlék.
Bihimbil bi makôga mé bi mbugi.+
31 Nkenwin wada a nke ngwéé i boma nkenwin numpe,
nlegelnwin wada a nke ngwéé i boma nlegelnwin numpe,
inyu añle kiñe Babilôn le tison yé i nyôña bipes gwobisôna,+
32 le mabôñ ma nyôña,+
le môñgô mi mi yé mbañak ni makai mi nlék,
ni le bisônda bi yé i kon woñi.”
33 Inyule haana nyen Yéhôva nu mintôñ mi gwét, Nyambe nu Israel, a mpot:
“Babilôn a nyila kiki homa ba ntidil blé.
Ngéda i nkola le ba tjo nye.
Ndék ngéda, wee ba mbumbul nye.”
A bi yilha me kiki ébél i i yé hôlô.
A bi mil me kiki soso nyoo;+
a bi yônôs libum jé ni gwom gwem bilam.
Ni malép, a bi luhul me i homa me bééne.*
35 I muda a nyééne i Siôn a’ mpot le: ‘I mbéda le Babilôn a kôhna nsaa inyu bisañ a bi jôs me!’+
Yérusalem a’ pot le: ‘I bôt ba nyééne i Kaldéa ba nlama kôhna nsaa inyule ba bi kôp matjél mem!’
36 Inyu hala nyen Yéhôva a mpot le:
M’a sés tuye nu Babilôn, me sés ki bibee gwé bi malép.+
37 Babilôn a ga yila nwind u ngok,+
liyééne li dibaa di njéé,+
yom bilim, yom bôt ba nhimil hiôa,
mut nye ki nye a ga yééne ha bé mu.+
38 Bobasôna ba ga kônd kiki mbondo njéé.*
Ba ga nyai kiki bon ba mbondo njéé.”
39 “I ngéda ngôñ i ga gwel bo, me ga kôôbana bo bijek, me boñ ki le ba hiôô,
inyu boñ le ba ba maséé;+
i mbus, ba ga ke ’ilo, ke yosôna,
kayéle ba ga tôde ha bé,”+ hala nyen Yéhôva a mpot.
40 “Me ga kena bo le ba nol bo kiki bon ba mintômba,
kiki balôm ba mintômba ni balôm ba kembee.”
41 “Wééi! Béñgnana kiki Sésak* a ngwéla;+
i tison nkoñ ’isi wonsôna u bé bégés, béñgnana kiki i nyôña!+
Béñgnana kiki Babilôn a nyila yom bilim ikété biloñ!
42 Tuye a nhôl, a hô Babilôn.
Ni ngandak yé mangudga, a mil nye.
43 Bitison gwé bi nyila yom bilim, ñoñ, ni loñ i i yé nnumuk.
Mut nye ki nye a ga yééne bé mu loñ i, mut nye ki nye a nlôô bé to mu.+
Biloñ bi ga ke ha bé ki i nyeni,
yak mapénd ma Babilôn ma ga kwo.+
45 Nyodna na i nyeni, a litén jem!+
Sona inyu pei nyemb;+ inyu boñ le hiun hi Yéhôva hi kwél bañ bé!+
46 Nwin u ga tjama ni loñ yosôna, ni kon bañ wo woñi, ni tomb bañ to.
Len nwii wada, n’a nok ngim nwin,
i nwii u ga noñ ha, n’a nok nwin umpe,
nwin le gwét bi yé ikété loñ, ngim baane i mba i jôs baane bape.
47 Inyu hala nyen emblana! Dilo di ga lo,
le me ga yoñ ngéda ni mintjok mi biôñgba mi Babilôn.
Loñ yé yosôna i ga kon hison,
mim mi bôt bé mi mba mi kubi ikété tison yé.+
48 Ngii ni hisi ni gwom gwobisôna bi yé mu
bi ga leñ diléla i ngéda Babilôn+ a ga kwo;
inyule i bôt ba ga tjé nye, ba nlôl i pes ñombok,”+ hala nyen Yéhôva a mpot.
49 “Babilôn a bi nol bôt ba Israel,+ ndi a bi telbene bé ha;
nyoo i Babilôn ki nyen mim mi bôt ba nkoñ ’isi bobasôna mi bi kwél.
50 A bé ba ni mpei pansoñ, ken-gana, ni telep bañ!+
Bigdana Yéhôva to hala kiki ni yé haa,
ni hôya bañ Yérusalem.”+
51 “Di bi kon hison, inyule bôt ba bi sol bés.
52 “Inyu hala nyen emblana! Dilo di ga lo,” hala nyen Yéhôva a mpot,
“le me ga tjé mintjok nwé mi biôñgba;
ikété loñ yé yosôna, bôt ba ga bana bikwéé, ba siidaga ki.”+
53 “To ibale Babilôn a mbet i ngii,+
to ibale a nkônde lédés mapénd mé ma ma yé makeñi,
m’a om batjé-bôt i nyeni,”+ hala nyen Yéhôva a mpot.
54 “Emblana! Minlondok mi yé i lôl i Babilôn,+
mbimba i tjiba ikeñi i nlôl i loñ Kaldéa,+
55 inyule Yéhôva a yé i tjé Babilôn,
a ga boñ le kiñ ikeñi i Babilôn i nôga ha bañ;
mbimba i bôt ba nlo i jôs nye i yé kiki mangudga ma tuye.
Kiñ yap i ga nôga.
56 Inyule ntjé-bôt a ga lo i Babilôn;+
bôt bé ba gwét ba ga yôña,+
mimpihlôñgô nwap mi ga nyugda,
inyule Yéhôva a yé Nyambe nu mapuna.+
A ga ti hiki mut i kogse i kôli ni nye.+
57 Me ga boñ le baane bé ni bôt bé ba pék ba hiôô,+
yak ni bangomin ba bipes gwé bi mbok, bakot nkus bé bakeñi, ni bôt bé ba gwét;
ba ga ke ’ilo, ke yosôna.
kayéle ba ga tôde ha bé,”+ hala nyen Kiñe, i i gwé jôl le Yéhôva nu mintôñ mi gwét i mpot.
58 Haana nyen Yéhôva nu mintôñ mi gwét a mpot:
“To hala kiki lipénd li Babilôn li yé likeñi, jolisôna li ga bugi,+
to hala kiki makôga mé ma yé i ngii, ma ga lék.
Bôt ba ga tumbba yañga;
biloñ bi ga sal yañga, hié hi ga kônde ndik bet.”+
59 I bibañga bini gwon mpôdôl Yérémia a bi kal Séraya man Néria,+ man Maséya, i ngéda Séraya a bi ke i Babilôn lôñni Sédékia, kiñe Yuda, i nwii mi nyônôs mina mi ane yé; Séraya nyen a bé ñane bokindak. 60 I bikuu gwobisôna bi bé lama kwél Babilôn, Yérémia a bi tila gwo ikété ngim kaat; ñ, bibañga bini gwobisôna bi bi pôda inyu Babilôn. 61 Yérémia a bi kal ki Séraya le: “I ngéda u ga pam i Babilôn, u tehe i tison i ni mis moñ, u nlama añ bibañga bini gwobisôna makeñi. 62 I mbus, w’a kal le: ‘A Yéhôva, wen u bi legel le i homa nunu a ga tjiba, le mut nye ki nye a ga yééne ha bé mu, mut binam to nuga bikai, ni le i tison ini i ga yégle hôlô i boga ni boga.’+ 63 I ngéda u ga mal añ i kaat ini, kañ yo ngok, u leñ yo i ñemkété u lom Ufraté. 64 I mbus, kal le: ‘Haana nyen Babilôn a ga yin, a ga pam ha bé,+ inyule me yé i lona bikuu i nyeni; bôt bé ba ga tumbba yañga.’”+
Bibañga bi Yérémia bi nsôk hana.