Masoola Yôhanes a bi kôhna

4 I mbus ha, me tehe, ndi nuna-ki! Nwemel u néhi nyoo i ngii, ndi kiñ i bisu me bi nok i mpôdôs me i bé kiki sép, i kalak le: “Bet nyono, m’a unda we i mam ma nlama bôña.” 2 I mbus mam mana, kunda yada ngui i mbuu mpubi i ba i ngii yem; ndi nuna-ki! Yééne ane i bé i homa wé nyoo ngii, mut wada a bak a yii mu yééne ane.+ 3 Ndi Nu a bé a yii mu a bé nene wengoñle ngok i yaspi+ ni ngok i sardi;* nyum u u bé wengoñle ngok émérôd u bé kéña yééne ane bipes gwobisôna.+

4 Biyééne bi ane bi bé kéña yééne ane bipes gwobisôna, bi bé 24; me tehe 24 mimañ+ mi yii mu biyééne bi ane bini, mi bak mi hééba bipuba bi mambot, mi ban-ga ki mintut mi gôl i miño nwap. 5 Nwegnwek,+ ni makiñ, ni mbambat+ bi bé pémél i yééne ane; bilambe bi hié bisaambok bi bé loñ i bisu bi yééne ane, gwon bi yé mimbuu mi Nyambe minsaambok.+ 6 Yom i bé i bisu bi yééne ane wengoñle tuye nu a yé kiki léman,+ i pôn-ga kristal.

Bihégél bi niñ+ bina bi bi yé nyonok ni mis i bisu ni i mbus, bi bé i ñemkété u yééne ane,* bi kéña ki yo. 7 Hégél niñ i bisu i bé kiki mbondo njéé,+ hégél niñ i nyônôs iba i bé kiki man nlôm nyaga,+ hégél niñ i nyônôs aa+ i bééna su kiki u mut binam, hégél niñ i nyônôs ina+ i bé kiki nyôgôl u mpuue.+ 8 Ndi hiki yada mu bihégél bi niñ bina i bééna bipapai bisamal; bi bak ki nyonok ni mis i ngii ni isi bipapai.+ Ndi juu ni njamuha, bi nkal ibabé waa le: “Yéhôva,*+ Nyambe Nu ngui yôsôna a yé mpubi, mpubi, mpubi; nyen a bé, nyen a yé, nye ki nyen a yé i lo.”+

9 Hiki ngéda bihégél bi niñ bi nti Nu a yii i yééne ane, Nu a niñ i boga ni boga,+ lipém, bibégés ni mayéga, 10 yak 24 mimañ+ mi nkwo i bisu bi Nu a yii i yééne ane, mi béghak Nu a niñ i boga ni boga, mi leñek ki mintut nwap i bisu bi yééne ane, mi kalak le: 11 “A Yéhôva* Nyambe wés, wen u kôli kôhna lipém+ ni bibégés+ ni lipémba,+ inyule u bi hek mam momasôna,+ inyu sômbôl yoñ ki nyen ma bi lo i niñ, ma héga ki.”