Yésaya
13 Mbagi kogse i Babilôn+ le Yésaya,+ man Amôz, a bi tehe i yiinda:
2 “Téa yimbne*+ i ngii hikôa hi maaa ma ma gwé bé bikai.
Pega woo inyu sébél bo,
inyu boñ le ba loo ba jôp i manwemel ma mintôô mi bôt.
3 I bôt me bi téé,* me mal ti bo oda.+
Me mal ki sébél bôt bem ba gwét inyu éba hiun hiem,
ba nkon maséé, ba nyegbak.
4 Emblana! Limut li bôt li yé i ngii dikôa;
liyôgbe jap li yé wengoñle liyôgbe li ngandak bôt!
Emblana! Liyôgbe li biane,
li biloñ bi bi nkodba!+
Yéhôva nu mintôñ mi gwét a nkot ntôñ wé inyu jo gwét.+
5 Yéhôva ni bijôl bi gwét bi hiun hié,
ba nlôl i loñ i yé haa,+
i likas li ngii jada,
inyu tjé hisi hiosôna.+
6 Béglana, inyule hilo hi Yéhôva hi yé bebee!
Hi ga lo kiki tjiba i i nlôl yak Nu ngui yosôna.+
7 Inyule moo momasôna ma ga yoomba,
yak miñem mi bôt bobasôna mi ga sehla ni woñi.+
8 Miñem mi ga bôô bo matjél, ba yôm.+
Ba ga sat, ba nogok ki njôghe
kiki muda nu a nkôôga.
Ba mba ba nun-na, ba konnaga woñi bo ni bo,
masu ma njum bo inyu njôghe.
9 Nuna-ki! Hilo hi Yéhôva hi yé i njel,
hi nkona bé ngoo, hi nyai ni hiun hikeñi,
inyu boñ le loñ i yila yom bilim,+
ni inyu tjé baboñbéba ba ba yé mu loñ.
10 Inyule tjôdôt di ngii ni mauñ ma tjôdôt+
ma ga ti ha bé mapubi;
hiañgaa hi ga kôp jiibe i ngéda hi ga pam,
yak sôñ i ga ti ha bé mapubi mé.
11 Me ga kéés bôt ba nkoñ ’isi inyu bibéba ba bi boñ,+
yak ni bibéba bi bôt inyu mam map mabe.
M’a mélés ngôk u bôt ba lipamal,
bôt ba humbulnyuu ba ba ntét bape, m’a wéha bo nyuu.+
13 Inyu hala nyen m’a boñ le ngii i nyeñg,
hisi hi pôgha kayéle hi nyodi i liyééne jé+
inyule Yéhôva nu mintôñ mi gwét a ga unup i hilo hi hiun hié.
14 Kiki sô i titigi le ba yé i noñ, ni bémba le i gwé bé ntééda,
hala nyen hiki mut a ga témb i litén jé;
hiki mut a ga ke ngwéé i loñ yé.+
15 Hiki mut ba ngwel, ba ga tôp nye ni likoñ,
hiki mut ba nkoba, ba ga nol nye ni pansoñ.+
16 Bon bap ba ga kida bikét bikét, bomede ba tehge,+
bôt ba ga kadal nkus wonsôna u yé mandap map,
ba kadal bo baa bap, ba nyégsa bo malal.
18 Mimpihlôñgô nwap mi ga nyugut boñge ba wanda;+
ba ga kon bé bon ba ba ngi yii ikété libum ngoo,
ba ga bañ bé to boñge batitigi.
19 Hala nyen Babilôn nu a gwé lipém iloo biane* gwobisôna,+
bilama ni ngôk u bôt ba Kaldéa,+
a ga yila kiki Sôdôm ni Gômôra, ba Nyambe a bi tjé.+
20 Mut a ga yééne ha bé mu kekikel,
a ga ba ha bé homa liyééne tjai ndi tjai.+
Man Arabia a ga oñ bé ndap yé libadô nyoo,
to batééda bémba ba ga nôihene ha bé bibémba gwap nyoo.
21 Binuga bi ñoñ gwon bi ga nañal nyoo;
mandap map ma ga yon ni makuñ.
22 Binuga bi bikai bi mba bi mbégél i ngii minkum nwé mi mandap,
yak dibaa di njéé di mba di mbégél ikété biyale gwé.
Ngéda yé i yé bebee, ba ga kônde ha bé nye dilo di niñ.”+