Yérémia
1 Bibañga bi Yérémia* bini, man Hilkia nu a bé prisi i Anatôt,+ i nkoñ u Benyamin. 2 Lipôdôl li Yéhôva li bi lôl Yérémia i dilo di Yôsia,+ man Amôn,+ kiñe Yuda, i nwii mi nyônôs 13 mi ane yé. 3 Li bi lôl ki Yérémia i dilo di Yéhôyakim,+ man Yôsia, kiñe Yuda, letee ni i nwii mi nyônôs 11, i lisuk li ane i Sédékia,+ man Yôsia, kiñe Yuda, letee Yérusalem a ke minkôm i sôñ i nyônôs itan.+
4 Yéhôva a pôdôs me, a kal le:
Me bi téé we mpôdôl inyu biloñ.”
6 Ndi, me kal le: “Wee, a Nwet Bayemlikok le Yéhôva!
Me ngi yii mañge,*+ me nyi bé hop.”+
7 Ha nyen Yéhôva a bi kal le:
“U kal bañ le: ‘Me ngi yii mañge.’
U nlama ke i tehe bôt bobasôna me bi om we i tehe,
inyule u nlama pot mam momasôna me ga kal we.+
9 I mbus, Yéhôva a sambal woo, a tihba nyo wem.+ Yéhôva a kal ki me le: “Me nha bibañga gwem i nyo+ woñ. 10 Emble ki, me yé i ti we kunde i len ini, le u énél biloñ ni biane; me nti ki we kunde i nup ni i leñ ’isi, i tjé ni i bôk, i oñ ni i bel.”+
11 Yéhôva a bi témb a pôdôs me, a kal le: “Kii u yé i tehe, a Yérémia?” Me timbhe nye le: “Me yé i tehe ntjep u end i nkana.”*
12 Yéhôva a kal me le: “U ntehe loñge, inyule me yé toi péé inyu yônôs lipôdôl jem.”
13 Yéhôva a bat me inyu ngélé i nyônôs iba le: “Kii u yé i tehe?” Me timbhe le: “Me yé i tehe hibee* hi mpél,* hi sédi, nyo wé u nunuk pes ñombok.” 14 Ha nyen Yéhôva a bi kal me le:
“I ñombok nyen bikuu bi ga lôl,
bi kwél bôt ba loñ+ bobasôna.
15 Inyule haana nyen Yéhôva+ a mpot: ‘Me ga sébél mahaa momasôna ma biane bi ñombok,
ma ga lo, hiki ñane a ga téé yééne yé ane,
i majubul ma Yérusalem,+
i mapénd momasôna ma nkéña Yérusalem,
ni i bitison bi Yuda+ gwobisôna.
16 Me ga pémhene bo mbagi kogse inyu bibéba gwap gwobisôna ba bi boñ,
inyule ba bi tjôô me,+
ba bédhene ki banyambe+ bape hiida hi bisesema,
ni le ba bi ôôp i bisu bi gwom ba bi bañ,+ ba kahal bégés gwo.’
17 Ndi u nlama tibil kôôba,*
u nlama telep, u kee u añle bo i mam momasôna me ga kal we.
U kon bañ bo woñi,+
tiga le me boñ we le u sehla i bisu gwap.