Tjémbi
Biniigana inyu ñéga kôa. Hiémbi hi David a bi tôp kingéda nsik u u gwé ño le “Ñin ngôlôñ u maye ma kel.”*
22 A Nyambe wem, a Nyambe wem, inyuki u ntjôô me?+
Inyuki u yé haa hala ni me kayéle u nsôñ bé me?
Inyuki u yé haa ni me i ngéda me nlond, me siidaga?+
2 A Nyambe wem, me nlôndôl we njamuha, me nsébél we ibabé waa, ndi u ntimbhe bé me;+
to ni juu, me mom bé me nwee.
5 Ba bi lôndôl we, u sôñ bo;
kiki ba bi bôdôl we ñem, ba bi wo bé nyuu.+
8 “A bi bôdlene Yéhôva ñem; a sôñ ni nye!
Hala kiki a nlôôha lémél nye,+ Nyambe a tohol ni nye!”
9 Wen u bi pémés me i libum,+
wen u bi tééda me i ngéda me bé me bédi i méé ma mama yem.
10 Ba bi ti* me i moo moñ le u tééda me ibôdôl nu me bi gwéé;
u yé Nyambe wem ibôdôl yaga i libum li mama yem.
12 Ngandak bon ba balôm ba nyaga ba yé me i bipes gwobisôna;+
mimpémba mi balôm ba nyaga ba Basan mi nkéña me.+
14 Ba nsop me kiki malép;
bihés gwem gwobisôna bi noñgla.
15 Ngui yem i num kiki pes hibee hi biték;+
hilémb hiem hi ñadbe me i bikikii;+
u nsuhus me ikété bee le me wo.+
16 Inyule baoo bem ba nkéña me kiki ngwo;+
ba nkôôge me bebee kiki ntôñ u baboñbéba,+
kiki mbondo njéé, ba nkogoo me i moo ni i makôô.+
17 Me nla soñgol bihés+ gwem gwobisôna.
Ba mbéñge me, ba mbok ki me mis.
19 Ndi we, éé a Yéhôva, u ba bañ haa ni me.+
U yé ngui yem; pala hôla me.+
21 Tohol me i nyo u mbondo njéé+ ni i bitoñ bi nyet;
timbhe me, u tohol ki me.
23 A bé ba ni nkon Yéhôva woñi, béghana nye!
A bé mbôda* Yakôb yosôna, tina nye lipém!+
Kona nye woñi a bé mbôda* Israel yosôna.
I ngéda i mut nu ba ntét a bi lôndôl nye, a bi emble+ nye.
25 M’a bégés we ikété likoda likeñi;+
m’a yônôs makak mem i bisu bi ba ba nkon we woñi.
Niña* i boga ni boga!
27 Bôt ba masuk ma ’isi momasôna b’a bigda Yéhôva, ba hielba ki i nyeni.
Mahaa ma biloñ momasôna ma ga ôôp i bisu gwoñ.+
28 Inyule ane i yé i Yéhôva;+
a ñénél biloñ.
29 Bañga bôt* yosôna i nkoñ ’isi i ga je, i ôôp ki ’isi;
ba bobasôna ba ntémb i nluñ ték b’a ôm maboñ i bisu gwé;
mut to wada ikété yap a ga la bé sôñ niñ* yé.
30 Mbôda* yap i ga gwélél nye;
i hiai hi nlo hi ga nok ba mpot inyu Yéhôva.
31 Ba ga lo, ba añal ki telepsép yé.
Ba ga kal i bôt ba ga gwéé i mbus ngéda i mam a bi boñ.