Yésaya
65 “I bôt ba bé toñ bé me, me bi nwas le ba kôôge me bebee;
i bôt ba bé yéñ bé me, me bi nwas le ba léba me.+
I loñ i bé lôndôl bé jôl jem, me bi kal yo le: ‘Me nunu, me nunu!’+
2 Kel yosôna, me nlek moo inyu soohe litén li li yé ndok,+
bôt ba ba noñ manjel mabe,+
ba mboñ ndigi kiki ba ngwés;+
3 litén li li nsuu me i mbamba,+
ba tinak bisesema i nwom mi mbônji,+ ba boñok le hiida hi bisesema hi tu i ngii brik.
5 Ba kalak le: ‘Yén nyoo; u tiige bañ me bebee,
inyule me yé mpubhaga iloo we.’*
Ba yé kiki hiida i mben yem i môl, kiki hié hi hi nloñ kel yosôna.
6 Nuna-ki! I jam lini li yé ntilga i bisu gwem;
me ga mom bé nwee,
ndi me ga kogse bo,+
me ga kogse bo kiki i nsômbla*
7 inyu mahôha map, lôñni mahôha ma basôgôlsôgôl bap,”+ hala nyen Yéhôva a mpot.
“Inyule ba bi boñ le hiida hi bisesema hi tu i ngii dikôa,
ba yan me i bahoma ba nyôgi,+
me kogse ndugi bo inyu mam map mabe momasôna.”*
8 Yéhôva a nkal le:
“Kiki i ngéda wai yondo i yé i liyuu li matam ma nkôô wai,
ndi mut a kal le: ‘U ôbôs bañ jo, inyule jam lilam* li yé mu,’
hala nyen me ga boñ inyu bagwélél bem;
me ga tjé bé bobasôna.+
9 Me ga boñ le mbôda* i pémél yak Yakôb,
me boñ ki le nu a nkôdôl dikôa tjem a pémél i Yuda;+
mimpohlak nwem mi bôt mi ga yoñ loñ,
bagwélél bem ba ga yééne mu.+
10 Sarôn+ a ga yila homa bikai inyu mintômba,
nsôsôgô* u Akôr+ u yila linôyôi li nyaga,
inyu loñge i litén jem li li nyéñ me.
11 Ndi bé, ni yé bôt ba ba ntjôô Yéhôva,+
bôt ba ba nhôya hikôa hiem hipubhaga,+
bôt ba ba ntek téblé inyu nyambe nu Masoda,
bôt ba ba nyônôs mpôdnaga wai i mabôndô inyu nyambe nu a ntééne hiki mut jam li ga pémél nye.*
12 Jon me mal kit le ni ga wo ni pansoñ,+
bébobasôna ni ga ôôp inyu boñ le ba nol bé,+
inyule me bi sébél, ndi ni bi timbhe bé,
me bi pot, ndi ni bi emble bé;+
ni bi kônde boñ mam mabe i mis mem,
ni pohol ki i boñ mam ma mbébél me.”+
13 Inyu hala nyen Nwet Bayemlikok le Yéhôva a nkal le:
“Nuna-ki! Bagwélél bem ba ga je, ndi bé njal i ga gwel bé.+
Nuna-ki! Bagwélél bem ba ga nyo,+ ndi bé nyus i ga gwel bé.
Nuna-ki! Bagwélél bem ba ga kon maséé,+ ndi bé ni ga wo nyuu.+
14 Nuna-ki! Bagwélél bem ba ga leñ diléla inyule miñem nwap mi yé mbôô,
ndi bé ni ga bégél inyule ni nok njôghe i ñem,
ni ga ee inyule miñem mi nsiida bé.
15 Ni ga yék ngim jôl le i bôt me bi pohol ba ga gwélél inyu tiihe bôt,
Nwet Bayemlikok le Yéhôva a ga nol hiki wada nan,
ndi a ga o bagwélél bé jôl lipe;+
16 kayéle nu ni nu a nyéñ bisai hana ’isi,
a ga yiñil bisai yak Nyambe nu maliga;*
nu ni nu a nkum soñ hana ’isi,
17 Inyule, me yé i hek ngii yondo ni hisi hi yondo;+
ba ga hoñol* ha bé mam ma behee,
ma ga tuñgul ha bé to miñem.+
18 Jon kona maséé, leña ki diléla i boga ni boga inyu jam me yé i hek.
Inyule nuna-ki! Me yé i hek Yérusalem le a ba yom maséé,
yak bôt bé le ba ba yom i i nkônha maséé.+
19 Me ga kon maséé inyu Yérusalem, me hak ki inyu litén jem;+
mut a ga nok ha bé bôt ba ñee nyoo, to bôt ba nlond.”+
20 “Nkéñéé man u u niñ ndik ndék dilo u ga ba ha bé nyoo i homa nu,
to mañ mut u u niñ bé dilo tjé tjodisôna.
Inyule i mut a ga wo ni 100 nwii, a nen-ge mañge wanda,
ba ga tiihe yak béba mut, to ibale i gwé 100 nwii.*
22 Ba ga oñ bé mandap le bôt bape ba yééne mu,
ba ga bel bé to inyu boñ le bôt bape ba je.
Inyule dilo di bôt ba litén jem di ga ba kiki dilo di e,+
mimpohlak nwem mi bôt mi ga nok lingoñoo ni minson mi moo map.
ba ga gwal bé to bon le ndutu i kwél i bon ba,
inyule bo ni bon bap,+
24 Ilole ba nlôndôl me, m’a timbhe bo;
ba mba ba ngi podok, ki me ma nok.
25 Ngwo-njéé ni man ntômba bi ga je lôñ,
mbondo njéé i ga je minumuk mi bikai kiki nlôm nyaga,+
biték gwon bi ga ba bijek bi nyoo.
Mut nye ki nye a ga nok ha bé ndutu, to yom yo ki yo i ga tjiba ha bé i hikôa hiem hipubhaga hiosôna,”+ hala nyen Yéhôva a mpot.