Lelaa mimañ mi nhôla likoda?

Di gwé bé bipada to bipastô di nsaa i ntôñ wés. Ndi, nlélém kiki i ngéda bikristen bi bisu, di gwé minhôôlak mi mimañ mi mi “njés ntôñ u Nwet.” (Minson mi baôma 20:28) Mimañ mi yé minhôôlak mi bôt i pes i mbuu. Ba nyoñ ño ikété likoda, ba téédaga bémba “ha kiki minhélhak bé, ndik ni loñgeñem, ha kiki bahép ni nkus bé, ndik ni ngôñ ñem.” (1 Pétrô 5:1-3) Umbe nson ba ngwel inyu yés?

Ba ntôñ ni bés, ba sôñôk ki bés. Mimañ mi ngwélél Bitilna inyu hôla bés le di lédés maada més ni Yéhôva. Ba nyi ki le Yéhôva a bi bééga bo mbegee ikeñi, jon ba ñane bé hémle i bôt, ndi ba nsal inyu mbôô wés ni maséé més. (2 Korintô 1:24) Kiki ntééda mintômba a nyamda yaga inyu yi hiki ntômba wé, mimañ mi mboñ bilia inyu yi hiki jô i likoda.​—Bingéngén 27:23.

Ba niiga bés i boñ sômbôl i Nyambe. Hiki sonde, mimañ mi nkis makoda inyu lédés hémle yés. (Minson mi baôma 15:32) Mimañ mi nsal ki ni ñem wap wonsô. Hala ni nyen ba nit likalô, ba niigaga ki bés mambe manjel di nla gwélél inyu añal ñañ nlam.

Ba nti hiki wada wés makénd. Inyu boñ le hiki wada wés a bana maada malam ni Yéhôva, mimañ mi nyuuga bés mambai més, tole ba nkwel ni bés i Ndap Ane. Ba nti bés mahôla ni hogbe i nlôl Bitilna.​—Yakôbô 5:14, 15.

Handugi bôlô yap i likoda, libim li mimañ li yoñ ngéda ni boñ bilia inyu tééda ni yéñ koga kel inyu ndap yap lihaa. Bilôk bikéé gwés bi, bi ntumbba ni nson inyu yés. Jon ba kôli ni lipém.​—1 Tésalônika 5:12, 13.

• Kii i yé bôlô i mimañ mi likoda?

• Lelaa mimañ mi ñunda le mi ntôñ hiki wada wés?