Pôdna i bibase
Baa bibase gwobisôna bi mbégés nlélém Djob?
Baa Bibel i niiga le Yéhôva a neebe bibase gwobisôna, to ibale bi niiga bé nlélém jam?
Mat. 7:13, 14; Yôh. 17:3; Éfé. 4:4-6
Bigda mini miñañ mi Bibel:
Yôs. 24:15—Yôsua a bi tibil unda le hiki mut a nlama pohol too a mbégés Yéhôva, tole a mbégés banyambe bape
1 Bik. 18:19-40—Yéhôva a bi gwélél mpôdôl Éliya inyu unda le bagwélél bé ba nlama bé bégés banyambe bape, kiki bo Baal
I banyambe bôt ba mbégés mukété biloñ, lelaa Yéhôva a ntehe banyambe ba, ni bibégés gwap?
Lelaa Yéhôva a nôgda i ngéda bôt ba nkal le nyen ba mbégés, ndi i nlélém ngéda, ba boñok i mam ma ño?
Yés. 1:13-15; 1 Kor. 10:20-22; 2 Kor. 6:14, 15, 17
Bigda mini miñañ mi Bibel:
Man. 32:1-10—Yéhôva a bi unup ngandak i ngéda Arôn a bi nwas le Lôk Israel i tinde nye i boñ ôñgba i man nyaga, to hala kiki litén li bi kal le ba ngwélél i ôñgba i inyu bégés Yéhôva, ba kalak le hala a yé ngand “inyu Yéhôva.”
1 Bik. 12:26-30—Kiñe Yérôbôam a bé gwés bé le litén jé li ke i témpél i Yérusalem, jon a bi boñ bisat, a kal le gwon bi ngwéélana inyu bégés Yéhôva, ndi hala a bi tinde litén i kwo i béba
Lelaa Yéhôva a bi niiga Lôk Israel le ba nlama bagla ni bôt ba mbégés banyambe bape?
Kii Yéhôva a bi boñ i ngéda bôt ba litén jé ba bi bégés banyambe bape?
Bak. 10:6, 7; Tjé. 106:35-40; Yér. 44:2, 3
Bigda mini miñañ mi Bibel:
1 Bik. 11:1-9—Hala a bi unbaha Yéhôva i ngéda Kiñe Solomon a bi nwas le baa bé, ba ba bé lôl i biloñ bipe, ba tinde nye i bégés banyambe bape, kayéle hala a ti yak bape makénd i boñ nlélém
Tjé. 78:40, 41, 55-62—Asaf a bi toñol lelaa ndok i Lôk Israel ni bibégés ba bé ti mop mape, bi bi tééñga Yéhôva ngandak, bi boñ ki le a kôm litén jé mbus
Baa Yésu a bi nit biniigana bi bibase bi bi bé kiha bé ni Bañga i Nyambe?
Bigda mini miñañ mi Bibel:
Mat. 16:6, 12—Yésu a bi kal le biniigana bi Farisai ni bi Sadukai bi yé kiki séñha inyule biniigana bi bitembee bi mpala tjama, bi ñôbôs ki biniigana bi maliga, bi bi yé ikété Bañga i Nyambe
Mat. 23:5-7, 23-33—Yésu a bi yelel yaga bihéñba bi Farisai ni bayimbén, a bambal ki biniigana gwap bi bitembee
Mar. 7:5-9—Yésu a bi yelel maboñok ma bayimbén ni Farisai, a unda le ba mbii bilem bi bôt ba binam i ngii biniigana bi Bañga i Nyambe
Baa Yésu a bé gwés le banigil bé ba ba ntjamak ikété ngandak bibase?
Bigda mini miñañ mi Bibel:
Yôh. 15:4, 5—Yésu a bi gwélél nkôô wai inyu unda ntén adna u nlama ba ipôla nye ni banigil bé, ni adna ba nlama bana bo ni bo
Yôh. 17:1, 6, 11, 20-23—I u wé u nsôk ni banigil bé ilole a nôla, Yésu a bi soohe le bañga yé banigil i tééda adna ipôla yap
Baa makoda momasôna ma hiai hi bisu ma bééna minlélém bi biniigana, ba béghak Yéhôva nya yada?
Minson 16:4, 5; Rôm. 12:4, 5
Bigda mini miñañ mi Bibel:
Minson 11:20-23, 25, 26—Makoda ma Antiôkia ni ma Yérusalem ma bi tééda bañga adna, ma salak ki loñge, ntôñ
Rôm. 15:25, 26; 2 Kor. 8:1-7—Makoda ma hiai hi bisu ma bé kabna gwom i ngéda mandutu, ma undga le gwéha yon i ñat bo
Ibale bôt ba ngim base ba nkal le ba nhémle Yésu, baa hala a kôli inyu boñ le base yap i lémél Djob?
Ibale banigil ba ngim base ba ntjôô biniigana bi Kristô ni bi baôma, baa bibégés gwap bi ngi téé?
Minson 20:29, 30; 1 Tim. 4:1-3
Bigda mini miñañ mi Bibel:
Mat. 13:24-30, 36-43—Yésu a bi gwélél hihéga hiada inyu unda le kiki kai ibe i mpala tjama ikété wom, hala nyen ngandak bikristen bi bitembee i ga nene, i sooma ki ikété likoda
1 Yôh. 2:18, 19—I biuni gwé, ñôma Yôhanes a bi yelel le ngandak bakolba-Kristô i bi mal nene i mamélél ma hiai hi bisu