Sañgal mindañ
I ngéda mut a mbabaa bés, inyuki di nlama bé unup tole di pun bésbomede?
Bin. 20:22; 24:29; Rôm. 12:17, 18; Yak. 1:19, 20; 1 Pét. 3:8, 9
Bigda mini miñañ mi Bibel:
1 Sam. 25:9-13, 23-35—I ngéda Nabal a bi sol David ni bôt bé, a tjél ki ti bo bijek, ibabé i hek pék, David a bi yoñ makidik i nol Nabal ni bôlôm bobasôna mu ndap yé, ndi maéba ma pék ma Abigail ma bi boñ le David a bana bañ pil matjél
Bin. 24:17-20—Djob a bi tinde Kiñe Salômô i tila le di nlama bé kon maséé i ngéda baoo bés ba nok ndutu; di nwas le Yéhôva nyen a pun
Ibale kristen i nkôhna ngimanôgla ni mut numpe, baa a nlama waa pôdôs i mut nu tole a keñgle nye?
Lév. 19:17, 18; 1 Kor. 13:4, 5; Éfé. 4:26
Bigda unu ñañ u Bibel:
Mat. 5:23, 24—Yésu a bi toñol le di nlama boñ biliya i sañgal ndañ ni mankéé, ibale i mankéé nu a ñunbene bés
Kii di nlama boñ ibale mut a ñunbaha bés?
Inyuki di nlama ke ni bisu i nwéhél mut nu a ma boñ bés béba ngandak ngélé, ibale a nyi hihôha hié, a bat bés nwéhél?
Ibale mankéé a mboñ bés béba, ndi di nléba le di nla bé nwas i jam li, bebek a ñôbôs bés jôl, tole di nhégda le a nibil bés, njee a nlama ke i kwélés mankéé, ni imbe njômbi?
Béñge yak Yak. 5:20