BÔDÔL NKWEL
YIGIL 6
Ba makénd
Litiñ: “Nyambe a bi ti bés makénd i añle bé ñañ nlam.”—1 Tésalônika 2:2.
Kii Yésu a bi boñ
1. Béñge VIDÉÔ, tole añ Lukas 19:1-7. I mbus, timbhe mambadga mana:
Inyuki ngandak bôt i bé keñgle Sakiô?
Ndi to hala, kii i bi tinde Yésu i añle nye ñañ nlam?
Kii ndémbél i Yésu i niiga bés?
2. Di gwé ngôñ ni makénd i añle mintén mi bôt nwominsôna ñañ nlam.
Kôna Yésu
3. Bôdôl Yéhôva ñem. Mbuu mpubi u Nyambe u bi ti Yésu ngui i añle bôt ñañ nlam, yak we u nla hôla we. (Matéô 10:19, 20; Lukas 4:18) Bat Yéhôva makénd i tééne bôt ba nkônha we woñi likalô.—Minson mi baôma 4:29.
4. U pôôs bañ bôt mahoñol mabe. Di nla kon woñi i tééne bôt bahogi likalô bebek inyule ba yé mingwañ, ba gwé moni tole inyule di nyi biniigana bi base yap, di ntehe bieñg gwap. Ndi bigda le:
Yéhôva bo Yésu ba ñañ miñem, ndi bés di nla bé.
Yéhôva a nkônôl bôt bobasôna ngoo.
5. Ba makénd, ibabé i babaa bôt. (Matéô 10:16) Keñgle ngandak nkaa. Ni likeñge, téé nkwel ibale i mut nu a gwé bé ngôñ i emble ñañ nlam tole u nôgda le a nla boñ we béba.—Bingéngén 17:14.