Maliga inyu Ane Djob
Yésu a bi niiga banigil bé i soohe le: “A Tata wés nu a yé i ngii, jôl joñ li tééba lipubi. Ane yoñ i loo. Sômbôl yoñ i bôña, kiki i ngii, yak hana ’isi.” (Matéô 6:9, 10) Kii i yé Ane Djob? Kii i mboñ nano ni inyuki di nlama soohe le i loo?
Yésu a yé Kiñe i Ane Djob.
Lukas 1:31-33: “U nlama o nye jôl le Yésu. A’ ba mut nkeñi, a’ séblana ki le Man nu Nungingii, Yéhôva Nyambe a’ ti ki nye yééne ane i isañ wé David, a’ ba Kiñe i ngii ndap Yakôb i boga ni boga, Ane yé y’a bana bé lisuk.”
Ño nkwel u likalô li Yésu u bé Ane Djob.
Matéô 9:35: “Ndi Yésu a bé ke i bitison gwobisôna ni mambai momasôna, a niigaga i mandap ma bibégés, a añlak ñañ nlam u Ane, a mélhak ki mintén mi makon nwominsôna ni bibôk bi bôt gwobisôna.”
Yésu a bi ti banigil bé yimbne i i nla hôla bo i yi ngéda imbe Ane i ga loo.
Matéô 24:7: “Inyule loñ y’a telep ikolba loñ, yak ane i kolba ane; njal ikeñi y’a ba, yak nyeñg disi bahoma bahoma.”
I len ini banigil ba Yésu ba ñañal miñañ minlam mi Ane ikété nkoñ ’isi wonsôna.
Matéô 24:14: “Yak unu ñañ nlam u Ane w’a añlana ni nkoñ ’isi wonsôna, i ba biloñ gwobisôna mbôgi, ndi to le lisuk li nlo.”