Mbigda nyemb Yésu i loñ Jaman
Dihéga inyu ti bikaat bi sôñ
NKUM NTAT
Mbadga: Baa yak we u ma nok bini bibañga ngandak bôt i nyi?
Pes kaat: Yôhanes 3:16
Inyu ti mbamble: Nkum Ntat nu sôñ ini a ntoñol lelaa Yésu a bi son njonok ni lelaa nyemb yé i nla bane bés nseñ.
NKUM NTAT (lipep li nsôk)
Mbadga: Béñge i mbadga ini ni lelaa bôt ba mbéna timbhe yo. [Añ mbadga bisu ni mandimbhe ba nti.] U nla timbhe lelaa?
Pes kaat: Matéô 4:1-4
Inyu ti mbamble: Kiki Nsohop a bi kwel ni Yésu, a noode ki nye, Nsohop a ta ndigi bé yimbne i béba. Kii ipe Bibel i niiga inyu Nsohop? Nkwel unu u nkônde toñol jam li.
LIPEP LI NSÉBLA LI BILÔP BI NWET
Inyu ti lipep li nsébla: Di yé i kap lini lipep li nsébla inyu likoda li tôbôtôbô. [Ti nwet ndap lipep li nsébla.] I hilo 23 hi sôñ Matumb, didun di bôt di ga kodba ni nkoñ isi wonsôna inyu hoñol nyemb Yésu Kristô ni inyu emble nkwel u mbamba u u ga toñol lelaa nyemb yé i yéne bés nseñ. Ngeñ ni i homa likoda li ga ba hana libôga jés, bi yé ntilga munu lipep li nsébla. Soho, u tôl bañ.
KÔÔBA NDÉMBÉL YOÑ WEMEDE
Ni njel dihéga ba nti hana ngii, bot yoñ ndémbél wemede inyu nson woñ u ñañ nlam.