Dihéga di litjegek li ngéda i bôlô nsañal nu ngéda yosôna

I ba nsañal nu ngéda yosôna i mbat le u tjeg mam loñge. Ibale u ntégbaha 18 ngeñ i likalô hiki sonde, u nla ba nsañal​—u ban-ga ki ngéda inyu noi! I nya litjegek li mam i nla yak ti we pôla i pamba ibale ngim jam i mpuhe we, bebeg kon tole mangéda mabe kiki bo nop. Minkéñég mi matila mi noñ ha mi nti batéé likalô ba ba nsal bé dilo tjodisôna ikété sonde tole i bet ba nsal dilo tjodisôna, ni i bet ba gwé bé ngandak ngui inyule kon u ntômbôs bo. Ibale ba mboñ ndék mahéñha, bebeg wada ikété ndap lihaa a nla bôdôl bôlô nsañal i sôñ Dipos. Inyuki ni nla bé kwélél mu i kel ndap nan lihaa i bi pohol inyu bégés Djob ntôñ?