Baa u yé le u noode yo inyu ngim ñwii?

I noode kii? Nson i ba nsañal nu ngéda yosôna! Bimbe bisai bikeñi u ga kôs!​—Bingéngén 10:22.

MU KII U MBA NSAÑAL, U NLA . . .

• hôlôs likeñge joñ li ntéé likalô, u kéñbaha ki jo

• lédés maada moñ ni Yéhôva. Mu kii u nke ni bisu i pôdôs bôt bape i mam ma mbéñge nye, la nyen u ga kônde hôñlaha wemede bilem gwé bilam bi mbuma ñañ

• kôhna maséé ma ma nlôl i bii yéñe i Ane i bisu ikété niñ yoñ, ni maséé ma nlôl i ti wemede inyu hôla bape.​—Matéô 6:33; Minson mi baôma 20:35

• yoñ ngaba i likoda li ngwélél makiiña a yé a ntégbaha ni basañal ngéda a nyuuga makoda, w’a la ki yoñ ngaba i likoda li tôbôtôbô li li yé li ba i likoda likeñi li makiiña, ni i suklu i basañal

• bana ngandak manjel i bôdôl ni tégbaha gwigil bi Bibel

• tégbaha ntandaa ngéda ni batéé likalô bape, ni tinak wada ni nuu makénd.​—Rôma 1:11, 12