Emble Djob​—Lelaa di nlama gwélél yo

Man kaat le Emble Djob a nlama gwélana inyu niiga biniigana bi Bibel bi bisu ni njel bititii, inyu bet ba ntehe ndutu i nigil ni njel matila. Hiki yigil i nyoñ mapep ima, i ban-ga biloñge bi biititii. Hiki titii i gwé yimbne i i nhôla we i yi titii i i noñ.

Man kaat le Emble Djob ndi w’a niñ boga ni boga a gwé minlélém mi bititii, ndi a ban-ga matila iloo man kaat le Emble Djob. Ini kaat i nla gwélana ni banigil Bibel ba ba ñañ bé jôga. Batéé likalô ba mbéna gwélél yo inyu niiga, i ngeñ banigil Bibel ba ngwélél Emble Djob. Libim li mapep li gwé minkéñég mi matila mi mi nti biniigana bipe, di nla gwélél nwo inoñnaga ni ngap i nnigil Bibel.

Ngéda u yé likalô, u nla ti to imbe man kaat, to ibale i ta bé ikété nsoñgi u bikaat ba nlama ti i sôñ i. Ngéda u yé tégbaha yigil Bibel, gwélél bititii inyu toñol miñañ mi Bibel. Bat mambadga inyu boñ le nnigil a yoñ ngaba mu yigil, ni inyu ba nkwoog nkaa le a nok mam a yé nigil. Añ bipes bi bikaat bi yé isi hiki lipep, ni kwélél ki mu. I mbus le u mal yigil ni man kaat, u nla ke ni bisu ni kaat ini le Kii Bibel i niiga bés? inyu hôla nnigil Bibel woñ i kôs sôble.