I keñgle dipa di internet

INYUKI HALA A YÉ NSEÑ: Kiki ngandak bisélél, bisite bi internet inyu kwel ni mawanda bi nla ba loñge kiki bi nla ba béba. Bikristen bihogi bi ntjél gwélél bisite bi. Bape ba ngwélél gwo inyu kwel ni mahaa map, ni ngim mawanda. Ndi Nsohop a nsômbôl le di gwélél bisite bi internet bi, ibabé i yoñ yihe. I jam li li nla hoo jôl jés mahindi, li ôbôs ki maada més ni Yéhôva. Kiki Yésu, di nla gwélél matiñ ma Bibel inyu yimbe tjandi di yé mu, di keñgle ki tjo.​—Lukas 4:4, 8, 12.

DIPA DI NLAMA KEÑGLE:

• I lôôha gwélél bisite bi internet bi bi nti pôla i kwel ni bôt. I tégbaha ngandak ngeñ i gwélél bisite bi internet bi bi nti pôla i kwel ni bôt i nla yoñ bés ngéda i di bak le di tégbaha inyu mam ma mbuu

  Matiñ ma Bibel: Éfésô 5:15, 16; Filipi 1:10

• I béñge mam mabe. Béñge bititii bi bi nyuñgus nyuu, i nla kena i nyega malal tole i ndéñg. I añ matila ma bôt ba ntjañbene maliga i nla hôyôs hémle i mut

  Matiñ ma Bibel: Matéô 5:28; Filipi 4:8

• I ha bifôtô ni minkwel mimbe. Inyule ñem u yé malôga mut a nla ha bifôtô ni minkwel mimbe mu bisite bi internet bi nti bôt pôla i kwel. Ndi, hala a nla hoo jôl li mut mahindi, tole bi boñ le a baage i pes i mbuu

  Matiñ ma Bibel: Rôma 14:13; Éfésô 4:29

BÉÑGE VIDÉÔ I GWÉ ÑO LE GWÉLÉL INTERNET NI PÉK, I MBUS BIGDA KII DI NLA BOÑ INYU KEÑGLE MAM MANA: