Bonjee ba yé mawanda moñ i internet?

Liwanda li yé ‘mut nu a ntéñbe i gwés we, a ndiihege we.’ Kiki ’héga, Yônatan bo David ba bi yila bañga mawanda ngéda David a bi nol Gôliat. (1 Samuel 18:1) Hiki mut a gwé bilem bi bi ñôt bôt bape ipañ yé. Inyu boñ le we ni mut ni ba mawanda, ni nlama yina loñge loñge. Inyu tibil yi mut numpe, hala a mbat biliya ni ngéda. Ndi i internet, bôt ba nhoñol le ba nla pala yila “mawanda” ni bôt bape ndik inyule ba nhihe litole li ordinater. Ngéda mut a nkwel i internet, a mbôñgôl bibuk gwé, hala a mboñ le a nsôô libak jé. Jon ngéda u yé i internet, u nlama pohol njee a ga yila liwanda joñ. U nlama bé kon woñi i kal i bet ba nsômbôl yila mawanda moñ le u ntjél yila liwanda jap, tole u timbhe bañ bo tjagda. Ngéda ngandak bôt i ntehe i mam mabe ma momasôna, i yé i tjél yoñ ngaba i minkwel mi internet. Ndi ibale u mpohol i yoñ ngaba i minkwel mi, mambe mam u nlama bigda?

BÉÑGE VIDÉÔ I GWÉ ÑO LE GWÉLÉL MINKWEL I INTERNET NI PÉK I MBUS TIMBHE MAMBADGA MANA:

• 

  Mambe mam u nlama bigda ilole u ñep bifôtô gwoñ,tole u ntila ngim mam i internet?

• 

  Inyuki u nlama tibil pohol mawanda i internet?

• 

  Inyuki u nlama téé ngim ngéda i w’a tégbaha i kwel ni mawanda i internet? —Éfésô 5:15, 16