“Héana bakén ba banyambe”

Yakôb a bé yi le Yéhôva nyetama nyen a kôli ni bibégés to ibale a bé ngi ti mbén i i nsôña i bégés bisat. (Manyodi 20:3-5) Jon, i mbus le Yéhôva a bi kal nye le a témb i Bétel, Yakôb a bi kal i bôt bobasôna ba bé yéga nye le ba héya bisat gwap. Yakôb a bi yoñ bisat gwap, a yoñ yak dimbôga ba bé haba kiki mop map. (Bibôdle 35:1-4) Ibabé pééna, Yéhôva a bé toi maséé ni maboñok ma Yakôb.

I len ini, lelaa di nla ti Yéhôva bibégés bi bi kôli ni nyetama? Di bôdôl keñgle i ni i, i gwé maada ni makañ ni bisat. Hala a nkobla le di héya i yom yosô di nla bana i i mbéñge mimbuu mimbe, di tibil ki wan mintuk nwés. Kiki hihéga, badba le: ‘Baa me mbéna añ bikaat tole me mbéñge bisinima bi bi gwé bôt ba nyuñ matjél, bakugi, tole mam mape bôt ba binam ba nla bé boñ to nok? Baa mintuk nwem mi ñunda le makañ, i leñ bôt makon tole i tiihe bôt bi yé biloñge bi mam?’ Di nlama boñ biliya i yén haa ni i gwom gwobisôna Yéhôva a ñoo.​—Tjémbi 97:10.

BÉÑGE VIDÉÔ I GWÉ ÑO LE “KOLBANA NSOHOP,” I MBUS TIMBHE MAMBADGA MANA:

• 

  Imbe ndutu nnigil Bibel wada le Palesa a bi boma i niñ yé?

• 

  Ibale di bi tihba mam ma mbéñge makañ, inyuki i yé loñge i bat mimañ mahôla?

• 

  Ibale di nsômbôl le Yéhôva a tat bés, bimbe gwom di nlama tjôô?

• Mambe makidik ma ngui Palesa a bi yoñ?

• To hee u nyééne, mambe manjel u nla gwélél inyu keñgle mimbuu mimbe?