PES 53
Pohol mintuk mi nlémél Yéhôva
Yéhôva a yé “Nyambe nu maséé.” (1 Timôtéô 1:11) A ngwés le di ba maséé, di nok ki lingoñoo li niñ. Hala a nlémél nye i ngéda di ntéé ngim ngéda inyu sal, ni ngim ngéda inyu tégbaha loñge ngéda. Munu yigil ini, di ga tehe lelaa di nla tibil gwélél mangéda més ma mintuk i nya i nlona bés maséé, i tinak ki Yéhôva lipém.
1. Kii i nla hôla bés i tibil pohol mintuk nwés?
Kii u ngwés u mboñ inyu tégbaha loñge ngéda? Bôt bape ba ngwés ba añ tole ba ngwés ba ñemble nsik. Bape ba ngwés ba mbéñge bisinima tole ba mbéñge mam i internet. Bape ki ba ngwés ba ngwel minson mi moo ni mawanda map, ba nkee liké li makôô, tole ba ngwés ba ntuk ni bôt. To mimbe mintuk di mpohol, di nlama pohol mintuk mi mi “nlémél Nwet.” (Éfésô 5:10) I yé loñge i tibil pohol mintuk nwés inyule ngandak mintuk i ntinde bôt i boñ mam ma nlémél bé Yéhôva, kiki bo bisañ, malal ma nyega, tole makañ. (Añ Tjémbi 11:5.) Kii i nla hôla we i tibil pohol mintuk nwoñ?
Ibale u mpohol mawanda ma ma ngwélél Yéhôva, ma nla hôla we i tibil pohol mintuk nwoñ. Kiki di bi nigil i yigil 48, “I mut a hiôm ni bôt ba pék a’ bana pék.” Ndi, i mut a ntégbaha ngéda yé ni bôt ba ba ngwélél bé Yéhôva, “a’ nok ndutu.”—Bingéngén 13:20.
2. Inyuki di nlama yoñ yihe ni i ngéda di ntégbaha i mintuk?
To ibale mintuk nwés mi ta bé mimbe, di nlama yoñ yihe le di tégbaha bañ ngéda mu iloo hihéga. He la bé, di ga bana ha bé ngéda inyu boñ mam ma nlôôha ba nseñ. Bibel i nti bés makénd le ‘di tibil yaga gwélél ngéda [yés].’—Añ Éfésô 5:15, 16.
KÔNDE TÉM
Béñge lelaa di yé le di tibil pohol mintuk.
3. Tjél mintuk mimbe
Inyuki di nlama yoñ ngéda i tibil pohol mintuk nwés? Tuk VIDÉÔ, i mbus ni kwélél mambadga mana:
Mambe maada ma yé ipôla mintuk di ntehe len ni mi mi bé tagbe i loñ Rôma?
Kii Danny a nigil inyu mintuk?
Añ Rôma 12:9, i mbus ni kwélél mbadga ini:
Lelaa i pes kaat ini i nla hôla bés i tibil pohol mintuk nwés?
Mambe mam Yéhôva a ñoo? Añ Bingéngén 6:16, 17 ni Galatia 5:19-21. I mbus le ni añ hiki pes kaat, ni kwélél mbadga ini:
Ikété mam di ñañ munu minlôñ mi Bibel mini, mambe ma mbéna nene i mintuk mi len?
Ilole u mpohol ngim mintuk
Badba le:
Kii? Baa ntuk unu u gwé yom Yéhôva a ñoo?
Imbe ngéda? Baa u mbôña i ngéda me nlama boñ mam ma nlôôha ba nseñ?
Njee? Baa ntuk u, u mboñ le me tégbaha ngéda ni bôt ba ba ngwélél bé Yéhôva?
Di nlama ke haa ni i jam li nla lona bés bikuu. Nlélém inyu mintuk, di nlama tjél mintuk mi mi nla lona bés ndutu
4. Tibil gwélél ngéda yoñ
Tuk VIDÉÔ, i mbus ni kwélél mbadga ini:
Mu vidéô, to hala kiki mankéé a ta bé béñge béba jam, hee ndutu i nla bane?
Añ Filipi 1:10, i mbus ni kwélél mbadga ini:
Lelaa nlôñ kaat unu, u nla hôla bés i pohol libim li ngéda di ga tégbaha i ngim ntuk?
5. Di pohol mintuk minlam
Ngim mintuk i nlémél Yéhôva, ndi ngandak ipe i ta bé ilam. Añ Ñañal 8:15 ni Filipi 4:8, i mbus ni kwélél mbadga ini:
Mimbe mintuk minlam mi nlémél we?
Di gwé ngandak mintuk i i nla kônha bés maséé
BÔT BAPE BA NKAL LE: “To ibale mintuk mi gwé bisañ, nyega malal tole makañ, ntuk ndik u, me mbéñge ndigi, me nkôna bé bo.”
We u nhoñol le kii?
I SEM KWEP
Yéhôva a ngwés le di pohol mintuk mi mi nkônha bés maséé mi bak ki minlam.
Mambadga ma mbigda
Mimbe mintuk bikristen bi nlama tjél?
Inyuki di nlama yoñ yihe ni libim li ngéda di ntégbaha i ngim ntuk?
Inyuki di nlama pohol mintuk mi mi nlémél Yéhôva?
KÔNDE YÉÑ
U nhoñol le njee a nlama pohol mintuk nwoñ?
Béñge lelaa u nla yoñ makidik malam inyu mintuk.
“Comment se détendre sainement ?” (Tour de Garde 15 Aout 2011)
Munu ñañ unu le: “J’ai même surmonté mes préjugés,” béñge inyuki mut wada a bi héñha mintuk nwéé.
“La Bible transforme des vies” (Tour de Garde 1er février 2010)
Kii nyañ bon wada a mboñ i ngéda a yé béñge liñgeliñge i i gwé maada ni mimbuu mimbe?