Di ti Djob ni Kristô mayéga inyu bañga kunde di mbem

Mambe mandutu u mboma hiki kel? Baa u yé isañ mbai nu a nlama tôñ ni lihaa jé? Baa u néñés bon boñ wetama? Baa u yé mañge wanda nu mawanda mé ma suklu ma ntééñga? Baa u yé nkônôl tole u mboma mandutu ma ma nkiha ni biuni? Bésbobasôna di mboma mandutu. Bikristen bihogi bi mboma ngandak mandutu i nlélém ngéda. Ndi di yé nkwoog nkaa le Yéhôva a ga mélés mandutu ma momasôna.—2 Korintô 4:16-18.

Ndi ilole ngéda i i nkola, di nkôhna hogbe inyule di nyi le Yéhôva a nyi mandutu més, a ndiihe ndéñbe ni hônba yés ni le a ntéédana bés ngandak bisai. (Yérémia 29:11, 12) Yak Yésu a ntôñ ni bés. Mu kii di ngwel minson nwés mi bikristen, a mbôn bés le: “Me yé ni bé.” (Matéô 28:20) Ibale di nyoñ ngéda i ôt mahoñol mu bañga kunde Ane Djob i ga lona bés, di ga lédés botñem yés, yak makidik més i hônba mandutu di mboma len.—Rôma 8:19-21.

BÉÑGE VIDÉÔ I GWÉ ÑO LE MBUK MBEBI I YÉ NJEL, JON NI BOK YÉSU MIS!—BISAI BI LE ANE DJOB Y’A LONA, I MBUS TIMBHE MAMBADGA MANA:

• Kii i bi boñ le bôt ba binam ba kee haa ni Djob, mambe mandutu hala a bi lona?

• Bimbe bisai bi mbem bagwélél ba Yéhôva?

• Ni imbe njel ba ga kôhna bisai bi?

• Bimbe bisai bi tôbôtôbô u mbem i mbok yondo?