DI NIÑIK KIKI BIKRISTEN
Yéhôva a nhôla bés i hônba mandutu més
Munu dilo di nsôk dini, di mboma ngandak mandutu. Ngim mangéda, di nôgda wee di nla ha bé hônba mo. Ndi ibale di nke ni bisu i kôôge Yéhôva bebee, a ga hôla bés i hônba to imbe ndutu. (Yésaya 43:2, 4) I ngéda di mboma mandutu, lelaa di nla ke ni bisu i kôôge Yéhôva bebee?
Masoohe. I ngéda di nsoohe, ndi di kal Yéhôva i mam momasôna di mboma, a nti bés nsañ, a nhôgbaha ki miñem nwés ni mahoñol més.—Filipi 4:6, 7; 1 Tésalônika 5:17.
Makoda. I makoda, Yéhôva a nti bés bijek bi mbuu ni lék i bilôk bikéé. (Lôk Héber 10:24, 25) I ngéda di nkôôba, di kenek i makoda, di yoñok ki ngaba mu, hala a nhôla bés i kôhna mbuu mpubi u Yéhôva.—Masoola 2:29.
Likalô. Ibale di mboñ kii yosôna di nla inyu ke makoda, hala a ga hôla bés i bok mis més i ngii mam ma nlôôha ba nseñ. Di nkôhna ki ngui i ngéda di nlédés maada més ni Yéhôva yak ni lôk kéé yés.—1 Korintô 3:5-10.
BÉÑGE VIDÉÔ I GWÉ ÑO LE YÉHÔVA A’ LEEGE WE, I MBUS TIMBHE MAMBADGA MANA:
To hala kiki Malu a bé boma mandutu, kii i bi hôla nye i yén bebee ni Yéhôva?
Kiki Malu, lelaa kaat Tjémbi 34:18 i nla ti bés hogbe i ngéda di mboma mandutu?
Lelaa hihéga hi Malu hi ñéba le i ngéda di mboma mandutu, Yéhôva a nla ti bés “lipémba li li nloo li mut binam”?—2 Korintô 4:7