“Kekikel u kon bañ woñi”

Yéhôva a bé hôla diyeyeba i nlômbi Israel. I len ini, lelaa Yéhôva a nhôla bagwélél bé ba ba gwé bé bigwel moo?

• A nhôla bo i bana litehge lilam inyu mam ma moni.​—Lukas 12:15; 1 Timôtéô 6:6-8

• A nhôla bo i diihe bomede.​—Hiôb 34:19

• A niiga bo i sal ni ngui, ni i tjôô bilem bibe. ​—Bingéngén 14:23; 20:1; 2 Korintô 7:1

• A nti bo nsima i ba ikété ntôñ u lôk kéé i nkoñ ’isi u u ngwéhna.​—Yôhanes 13:35; 1 Yôhanes 3:17, 18

• A nti bo botñem.​—Tjémbi 9:19; Yésaya 65:21-23

To ibale mandutu més ma nene wengoñle ma gwé bé lisuk, di gwé bé le di kon woñi. (Yésaya 30:15) Ibale mam ma mbuu mon ma yé jam li bisu i niñ yés, yak Yéhôva a’ ke ni bisu i ti bés kii yosôna i mbéna bés i pes minsôn.​—Matéô 6:31-33.

BÉÑGE VIDÉÔ I GWÉ ÑO LE GWÉHA I MAL BÉ TO IBALE . . . LIYEP​—KÔÑGÔ, I MBUS TIMBHE MAMBADGA MANA:

• 

  Lelaa lôk kéé i i bé i yiine bebee ni homa likoda li ndôn li bi tagbe ba bi éba lôk kéé yap i i bé lôl haa gwéha, ba leege ki bo?

• 

  Lelaa vidéô ini i ñéba le Yéhôva a ngwés diyeyeba?

• 

  Lelaa yak bés di nla kôna Yéhôva to ibale di gwé bé ngandak moni?