PES 37
Kii Bibel i niiga inyu bôlô ni moni?
Baa u ma bana nduña inyu jam li moni tole inyu bôlô? Hala a ntomb bé i yéñ likala li kel ni i bii sômbôl Yéhôva kiki jam li bisu i niñ yés. Ndi Bibel i nti bés maéba mu jam li.
1. Kii Bibel i nkal inyu bôlô?
Djob a ngwés le di kon maséé ni bôlô yés. Bibel i nkal le “Jam lipe li nloo bé lini le mut . . . a kon maséé ikété ndumbba yé yosôna.” (Ñañal 2:24) Yéhôva a nwaa bé sal. Ibale di nkôna nye, bôlô yés i ga kônha bés maséé, d’a lémél ki nye.
Bôlô i yé nseñ. Ndi, sômbôl i Yéhôva yon i nlama ba jam li bisu i niñ yés. (Yôhanes 6:27) Yéhôva a mbôn bés le ibale di mbii mam ma mbuu i bisu, a ga ti bés mana mam mape.
2. Lelaa di nlama tehe moni?
Bibel i nkal le: “Moni mi nsôñ mut,” ndi nwo bé nwon mi nti bés bañga maséé. (Ñañal 7:12) Bibel i nkal ki le di gwés bañ moni, ndi di ‘kon maséé ni mam ni gwé hanano.’ (Añ Lôk Héber 13:5.) Ibale di nôgôl maéba mana, di ga keñgle mandutu. Di ga yoñ bé to mapil ma yañga. (Bingéngén 22:7) Hala a ga boñ le di kwo bañ i hiañdi hi mintuk mi moni. Di ga neebe bé to umbe mbônga ba nti bés inyule di ngwés yila ngwañ.
3. Lelaa di nla tibil gwélél moni?
Yéhôva a yé Djob li likap. Yak bés di nla kôna nye i ngéda di gwé ‘lem likap, di bak nkôôbaga i hôla.’ (1 Timôtéô 6:18) Di nla tibil gwélél moni nwés i ngéda di nti makébla i Ndap Ane, tole i ngéda di nhôla lôk kéé i bôlôm ni i bôda i i mboma mandutu. I yom Yéhôva a ndiihe, i ta bé i yom di nti, ndi mahoñol ma ma ntinde bés i boñ hala. Ibale di nti ni ñem wés wonsôna, d’a ba maséé, d’a lémél ki Yéhôva.—Añ Minson mi baôma 20:35.
KÔNDE TÉM
Béñge kii di nla boñ inyu boñ le bôlô i yoña bañ bés, ni le di kon maséé ni gwom di gwé.
4. Di nti Yéhôva lipém i ngéda di nsal
Gwéha di gwé inyu Yéhôva yon i nlama tinde bés i bana litehge lilam li bôlô. Tuk VIDÉÔ, i mbus ni kwélél mambadga mana:
Mu vidéô, bimbe bilem bi Jason bi nlémél we?
Kii u nla boñ inyu bana litehge lilam li bôlô kiki nye?
Añ Kôlôsé 3:23, 24, i mbus ni kwélél mbadga ini:
Inyuki di nlama bé tehe bôlô kiki bôt bape ba ntehe yo?
Bôlô i yé nseñ. Ndi kekikel, di nwahak bañ le i lôôha ba nseñ iloo bibégés di nti Yéhôva
5. I yé nseñ i kon maséé ni gwom di gwé
Bôt bape ba nyéñ bana ngandak moni. Ndi, Bibel i nti bés maéba mana. Añ 1 Timôtéô 6:6-8, i mbus ni kwélél mbadga ini:
Mambe maéba di nléba munu pes kaat ini?
Di nla ba maséé to ibale di gwé bé ngandak moni. Tuk VIDÉÔ, i mbus ni kwélél mambadga mana:
To hala kiki ba gwé bé ngandak moni, kii i mboñ le mahaa mana ma ba maséé?
Inyuki i ngéda mut a gwé bigwel moo, a ngwés ndik kônde bana, kônde ni kônde? Yésu a bi pôdôl i jam li. Añ Lukas 12:15-21, i mbus ni kwélél mbadga ini:
Kii ñañ u Yésu u niiga we?—Béñge nlôñ 15.
Añ Bingéngén 10:22 u hégha ni 1 Timôtéô 6:10. I mbus, ni kwélél mambadga mana:
Inyu yoñ, kii i nlôôha ba nseñ? I ba liwanda li Yéhôva tole i bana ngandak moni? Inyuki?
Mambe mandutu u nla kôs ibale u ngwés bana ngandak moni?
6. Yéhôva a ga ti bés i mam ma yéne bés nseñ
I ngéda di gwé ndutu i kôhna moni, tole bôlô, ha ni nyen di nlama éba too di mbôdôl toi Yéhôva ñem. Tuk VIDÉÔ inyu tehe lelaa u yé le u yémbél mandutu ma, i mbus ni kwélél mambadga mana:
Mu vidéô, mambe mandutu mankéé a bi boma?
Kii a bi boñ inyu yémbél mandutu ma?
Añ Matéô 6:25-34, i mbus ni kwélél mbadga ini:
Kii Yéhôva a mbôn i bet ba mbii mam ma mbuu kiki jam li bisu i niñ yap?
BÔT BAPE BA NKAL LE: “Me nlama sal ni ngui inyu jés lihaa jem. Jon me nla bé ke makoda momasôna.”
Umbe nlôñ Bibel u bi hôla we i nok le i bii mam ma mbuu kiki jam li bisu i niñ yoñ i nlôôha ba nseñ?
I SEM KWEP
Bôlô ni moni bi yé nseñ, ndi bi nlama bé sôña bés i sélél Yéhôva.
Mambagda ma mbigda
Kii i nla hôla we i bana litehge lilam li bôlô?
Bimbe bisai u nla bana ibale u nkon maséé ni mam u gwé?
Yéhôva a mbôn le a ga yoñ ndun ni bagwélél bé, lelaa u nla éba le u nhémle hala?
KÔNDE YÉÑ
Baa Bibel i nkal le moni mi ta bé loñge?
Nigil lelaa u nla gwélél moni i nya i nlémél Djob.
“Kii Bibel i nkal inyu lem i ti makébla?” (Kee i jw.org)
Baa mintuk mi moni mi yé mimbe?
“Litehge li Bibel—Mintuk mi moni” (Tôde ’ilo!, Matumb 2015)
Béñge kii i bi hôla mut wip nu a bé gwés mintuk mi moni i héñha.
“Me bé gwés pééna ngwéé i bihosi” (Nkum Ntat 1 Maye sép, 2011)