Libii: Maada inyu niñ yosôna

Loñge libii li nti Yéhôva lipém, li mboñ ki le babiina ba ba maséé. (Markô 10:9) Inyu bana loñge libii, kristen i nlama noñ matiñ ma Bibel inyu pohol sobiina wé.

I ngéda mut a ‘ntagbe ngéda i minheña mi mañge wanda,’ nyen a nla bôdôl yéñ mut inyu libii tiga le ngôñ i malal i yumus nye mahoñol. (1 Korintô 7:36) Tibil gwélél ngéda u gwé i ngéda u yé ngi biiba inyu lédés maada moñ ni Yéhôva ni inyu hôlôs bilem bilam. I mbus nyen u ga ba nkôôbaga inyu libii.

Ilole u neebe biiba ni mut, yoñ ngéda i yi ‘libak li mut kété.’ (1 Pétrô 3:4) Ibale u mbôdôl bana pééna, kwélél mu we ni mut ni nyegna libii. Nlélém kiki mawanda, ikété libii, hiki sobiina a nlama bok mis i ngii i mam a nlama lona sobiina wé, ilole a bok mis i ngii i mam sobiina wé a nla lona nye. (Filipi 2:3, 4) Ibale u mbii matiñ ma Bibel i bisélél, u ga tek hikuu hilam inyu loñge libii.

BÉÑGE VIDÉÔ I GWÉ ÑO LE KÔÔBA INYU LIBII​—PES 3: “ÔT NDAMBA,” I MBUS TIMBHE MAMBADGA MANA:

• Lelaa maada ma sita ini ni Shane ma bé i bibôdle?

• Kiki ngéda i bé tagbe, kii a bi bôdôl yimbe?

• Lelaa bagwal bé ba bi hôla nye, mambe makidik malam nyemede a bi sôk yoñ?