Batat bémba ba ba nsal inyu nseñ u litén li Yéhôva

Ngandak bôt i gwé bé litehge lilam li bôt ba gwé kunde i ngii yap. Di nla nok inyuki ba mboñ hala. Bôt bahogi ba bi gwélél kunde ba gwé i ngii bôt bape inyu gwéñe gwap bomede. (Mika 7:3) Kinje loñge jam i bana mimañ mi mi ngwélél kunde yap inyu loñge i litén li Yéhôva.​—Éster 10:3; Matéô 20:​25, 26.

Mimañ mi yé maselna ni bôt ba nkoñ ’isi ba ba gwé kunde i ngii bape. Gwéha yap inyu Yéhôva ni inyu litén jé yon i ntinde bo i tibil gwélél kunde yap. (Yôhanes 21:16; 1Pétrô 5:​1-3) Isi énél i Yésu, mimañ mi nhôla hiki ntéé likalô i nôgda le a yé jô yada ikété lihaa li Yéhôva. Ba yé bebee i lona bés mahôla i pes mbuu, yak i ngéda i mpam le di kee i dokta, tole i ngéda bikuu bi nkwo. I ngéda u gwé ndutu, u kon bañ woñi i tehe mimañ mi likoda joñ inyu bat bo mahôla.​—Yakôbô 5:13.

BÉÑGE VIDÉÔ INI LE MIMAÑ MI MI NTÔÑ LÔK KÉÉ, I MBUS TIMBHE MAMBADGA MANA:

• Lelaa Mariana a bi ôt nseñ ni mahôla mimañ mi bi lona nye?

  Ndimbhe yoñ

• Lelaa Élias a bi ôt nseñ ni mahôla mimañ mi bi lona nye?

  Ndimbhe yoñ

• Nano kiki u ntehe i vidéô ini, lelaa u ntehe nson mimañ mi ngwel?

  Ndimbhe yoñ