DI NIÑIK KIKI BIKRISTEN

Hôla i bet ba nhémle bé Djob i yi Nhek wap

Baa i ma pémél we le u kon woñi i añle mut nu a ngwés bé mam ma base ñañ nlam, u hoñlak le a ga bep timbhe we? Ibale hala a ma pémél we, bigda le yak ngandak bôt i i bé hémle bé le ngim Nhek a yé i bi yila Mbôgi Yéhôva. Ba bééna ndik ngôñ le ba kwés bo nkaa le Djob a yé toi.—Rôma 1:20; 10:14.

BÉÑGE VIDÉÔ INI LE BIGDA LE—I BÔT BA YÉ NGI HÉMLE, BA NLA HÉMLE!—BÔT BA TA BÉ I NGIM BASE, I MBUS TIMBHE MBADGA INI:

Inyuki ndémbél i Tommaso i nhôla we i bana loñge litehge li i bôt ba ta bé i ngim base?

Ndimbhe yoñ

Kii u nla boñ?

Ibale mut a nkal we le a nhémle bé Djob, yoñ ngéda i kwel ni nye. Pôdôs nye ni loñgeñem ibabé i babaa nye. (2 Timôtéô 2:24) Pôdôl ngim jam i i yé le i lémél nye. Baa a yé bebee i pôdôl ngim mam i i bi tinde bape i neebe le Nhek a yé? Ibale hala, gwélél ngim vidéô tole ngim kaat i i mpôdôl i jam li. I bon ba bikaat bana le La vie a-t-elle été créée? ni Cinq questions à se poser sur l’origine de la vie ba bi kôndba mu Nkuu wés bisélél inyu niiga inyu hôla we.

I yé maliga le hala a nla lédél we i bôdôl nkwel ni mut nu a ta bé i ngim base, ndi baa u nla bat nhôôlak mankéé mahôla? Bigda le Yéhôva a nla hôla bés i tihba miñem mi i bôt ba gwé libak lilam inyu kôhna niñ boga, to ibale i bôt ba, ba nhémle bé le Djob a yé.—Minson mi baôma 13:48.