MASÔÔ MA NKUS MA BIBEL

Gwéha i Djob i nsôñ bés ni bitembee bi Satan

Satan a nsômbôl le bôt ba hoñol le Djob nyen a mboñ le mam mabe ma bôña munu nkoñ ’isi (Hiôb 8:4)

A nsômbôl le di hoñol le Yéhôva a ntôñ bé bés to ibale di nke ni bisu i hémle nye (Hiôb 9:20-22; w15 1/7 12 § 3)

Gwéha Yéhôva a gwéne bés i mboñ le di nwas bé le bitembee bi Satan bi tômbôs bés, i nti ki bés makénd i téñbe ni Yéhôva (Hiôb 10:12; Tjémbi 32:7, 10; w21.11 6 § 14)

Sita yada i yé hoñol i mam Yéhôva a ma bôñôl nye, a tilga ki mo. Bititii bi ñéba babiina bada ba nlona i gwom ba nsômbôl nye i bôm, sita ipe i yé sambla nye i Ndap Ane, a yé ki i béñge JW Nkuu biliñgeliñge.

NOODE LE BOÑ I JAM LINI: Inyu lédés hémle yoñ ipañ Yéhôva i ngéda u mboma ngim ndutu, yimbe i mam ma ñéba le Yéhôva a nke ni bisu i gwés we, tila mo ngim homa, hiki ngéda tiimba añ mo.