29 NJÉBA–4 HIKAÑ
TJÉMBI 69
Hiémbi 13 ni masoohe | Bibuk bi bisu (1 lin.)
1. Ba bi legel mbañ i i bé béñge niñ i Yésu i Tjémbi 69
(10 man.)
Ba bé lama oo Yésu ngi njom (Tjémbi 69:4; Yôhanes 15:24, 25; w11 15/8 11 § 17)
Yésu a bé lama bana makénd inyu ndap Isañ (Tjémbi 69:9; Yôhanes 2:13-17; w10 15/12 8 § 7-8)
Yésu a bé lama son njonok nwaa le a nwo, ba bé lama ti nye wai mpôdnaga ni njôñlô (Tjémbi 69:20, 21; Matéô 27:34; Lukas 22:44; Yôhanes 19:34; g95 10/22 31 § 4; it-2 600 § 1)
INYU ÔT MAHOÑOL: Inyuki Yéhôva a bi boñ le i mbañ i i bé pôdôl Mésia i ba ikété Bitilna ni hop Lôk Héber?
2. Tik ngok i mbuu
(10 man.)
Tjémbi 69:30, 31—Lelaa minlôñ mi Bibel mini mi nla hôla bés i kônde lémés masoohe més? (w99 15/1 18 § 11)
Mu lisoñgol li Bibel li sonde ini, imbe tik ngok u nléba?
3. Lisoñgol li Bibel
(4 man.) Tjémbi 69:1-25 (th yigil 2)
4. Wongut—Kii Yésu a bi boñ?
(7 man.) Nkwel ni baemble. Tuk VIDÉÔ, i mbus ni kwélél mu lmd yigil 8 matode 1-2.
5. Wongut—Kôna Yésu
(8 man.) Nkwel ni baemble u u mpémél i lmd yigil 8 matode 3-5 ni “béñge yak.”
Hiémbi 134
6. Ngôñ likoda
(5 man.)
7. Bitelbene inyu yigil ndap lihaa
(10 man.) Nkwel ni baemble.
I sôñ Kondoñ 2009, ntôñ u bi pôôna yigil i kaat, suklu Ane ni likoda li nson, hala a bi ti mahaa pôla hiki sonde i bana ngim kel inyu yigil i ndap lihaa. Ngandak mahaa i bi ti mayéga inyu bitelbene bi, inyule hala a nti bo pôla i kônde kôôge bebee ni Yéhôva ni i kôôge bebee wada ni nuu.—Ndiimba Mbén 6:6, 7.
Bimbe bitelbene isañ mbai a nla yoñ inyu boñ le bibégés bi ndap lihaa bi tagbe hiki sonde?
Ni tégbaha gwo hiki sonde. Ibale hala a nla bôña, téé ngim ngeñ inyu tégbaha yigil i ndap lihaa hiki sonde. Pohol hilo hipe ibale ni nla bé nigil i kel ni i ngeñ ni bi téé
Kôôba. Bat nwaa woñ mahoñol mé, ngim mangéda, u nla yak bat boñ boñ mahoñol map. Ngôôba i nlama bé yoñ ntandaa ngéda téntén ibale lihaa joñ li ngwés li mboñ minlélém mi mam hiki sonde.
Téé ngim ntjega inyu lihaa joñ. I ngéda bon ba nañ, i mam ba gwé ngôñ ma nhéñha, yak ngap yap i nkônde keñep. Yigil i ndap lihaa i nlama hôla hiki jô i lihaa i kônde hol i pes mbuu
Yigil i nlama tagbe ikété maséé ni gwéha. Ngim mangéda, ni nla nigil i mbédgé ibale ngéda i yé ilam. Mu kiki ni nigil, ni nla yoñ ndék manut inyu noi. To hala kiki ni nla boma ngandak mandutu mu i ndap nan lihaa, ni nlama yi le yigil i ndap lihaa i ta bé i ngéda ba ngwélél inyu kodol boñge.
Ni nla pohol ngandak miño mi minkwel. Kiki hihéga, ni nla pohol i kôôba ngim pes i yigil i i nlo. Ni nla béñge bividéô bi bi yé i jw.org, ni kwélél ki mu. Ni nla kôôba inyu likalô. To hala kiki yigil i ndap lihaa i yé ngéda bôt ba nlama kwel, ni nla pohol ngim mangéda i het hiki jô i lihaa i nigil nyetama.
Ni kwélél mbadga ini:
Lelaa u noode bii maéba mana i bisélél i bibégés binan bi ndap lihaa?
8. Yigil i Bibel i likoda
(30 man.) bt pes 13 § 8-16, minkéñék mi matila i lipep 105