5-11 HIKAÑ

MASÔÔ MA NKUS MA BIBEL

1. “Añle i hiai hi noñ” ngui i Nyambe

(10 man.)

David a bé tehe lelaa Yéhôva a bé tat nye i ngéda a bé mañge wanda (Tjémbi 71:5; w99 1/9 18 § 17)

David a bi tehe lelaa Yéhôva a bi nit nye i ngéda a bi un (Tjémbi 71:9; g04 8/10 23 § 3)

David a bé ti boñge ba wanda makénd i ngéda a bé añle bo mam a bi boma mu niñ yé (Tjémbi 71:17, 18; w14 15/1 23 § 4-5)

Lihaa di mbôk di pôdôl “Bitelbene inyu yigil ndap lihaa.” Ba naña miñunuk mi lôk kéé inyu tégbaha bibégés bi ndap lihaa ni bo, i mbus ba ñemble i ngéda i lôk kéé i, i ñañle bo i mam ba bi tégbaha mu nson wap, ba ébga bo bifôtô gwap.

BADBA LE, ‘I bibégés binan bi ndap lihaa, numbe mankéé nu a yé ñunuk u nsômbôl naña inyu bat nye mambadga?’

2. Tik ngok i mbuu

(10 man.)

Tjémbi 72:8—Lelaa i jam Yéhôva a bi bôn Abraham i kaat Bibôdle 15:18 li bi yon i ngéda Kiñe Salômô a bé énél? (it-1 825-826)

Ndimbhe yoñ
Mu lisoñgol li Bibel li sonde ini, imbe tik ngok u nléba?

Ndimbhe yoñ

3. Lisoñgol li Bibel

(4 man.) Tjémbi 71:1-24 (th yigil 5)

LIGIP YAGA I NSON U ÑAÑ NLAM

4. I bôdôl nkwel

(3 man.) LIKALÔ LI MANDAP NI MANDAP. I ngéda mut a mbôdôl jomol, téé nkwel ibabé le u babaa nye. (lmd yigil 4 litode 5)

5. I kena nkwel ni bisu

(4 man.) LIKALÔ I NGÉDA DI MBOÑ MAM MÉS MA HIKI KEL. Kena nkwel ni bisu ni mut woñ lihaa nu a nkon woñi i bôdôl yigil i Bibel. (lmd yigil 8 litode 4)

6. I toñol i mam u nhémle

(5 man.) Nkwel. ijwfq 49—Ño nkwel: Inyuki Mbôgi Yéhôva i bi héñha linogok jap li ngim mam ba bé hémle? (th yigil 17)

DI NIÑIK KIKI BIKRISTEN

7. Mam di nla nigil i bibégés bi ndap lihaa

(15 man.) Nkwel ni baemble.

I ngéda ba yé i tégbaha bibégés bi ndap lihaa, ngon yada i yé timbhe nyañ.

Bibégés bi ndap lihaa bi yé ngim ngéda i het boñge ba nigil “biniigana ni mabéhna ma Yéhôva.” (Éfésô 6:4) Yigil i mbat biliya, ndi hala a nla ba jam li ntomb inyu boñge téntén i ngéda ba nigil i gwés biniigana bi Bibel. (Yôhanes 6:27; 1 Pétrô 2:2) Ni noode le añ i mam momasôna ma yé munu i minkéñék mi matila mini le “Mam di nla nigil i bibégés bi ndap lihaa” ma ma ga hôla bagwal i bana bibégés bi ndap lihaa bi bi nhôlôs, bi kôhnaga ki bôt bobasôna maséé, i mbus ni kwélél mambadga mana:

Mambe makeñge u nsômbôl noode?

Ndimbhe yoñ
Baa u nléba jam lipe li li nla bane we nseñ?

Ndimbhe yoñ

MAM DI NLA NIGIL INYU BIBÉGÉS BI NDAP LIHAA

BIBEL:

Emble lisoñgol li Bibel li sonde tole ni añ jo ni kiñ keñi. Hiki jô i lihaa i nla añ bibañga bi mut wada ikété Bibel
I ngéda ni mal añ lisoñgol li Bibel li sonde, ni bat mambadga mu, ni bat hiki mut le a pohol mbadga yé, a boñ ki nyiña mu. I mbus, hiki mut a nla kal i jam a nigil mu.
Bat ngim mbadga tole toñol lelaa ngim jam i bi tagbe, i mbus yéñ matiñ ma Bibel munu i man kaat nunu le Bitilna inyu niñ i bikristen
Ni nla tuk ngim ñañ u Bibel
Tila ngim miñô mi minkwel, u tila ki minlôñ mi Bibel mi mi nit i jam li, kiki di ntehe i apendis A i man kaat nunu le Gwés bôt—U yilha ki bo banigil, i mbus boñ biliya i tééda i nlôñ Bibel u ikété boña woñ. Ni tiimba wan i mam ni bi tila i sonde i bi tagbe
Ni nigil pes yada i kaat ini le Niñ ilam i boga ni boga!
Bat hiki jô i lihaa le a kal i mam a nigil munu i homa nunu le Minkwel mi mi noñna mi mi gwé ño le “Mambadga Bibel i ntimbhe” tole “Que veulent dire ces versets,” bi di nléba munu homa nunu le “BINIIGANA BI BIBEL” i jw.org

MAKODA:

Kôôba ngim pes likoda
Kôôba ndimbhe yoñ, u tiimba ki yo. U béñgege ngeñ
U nla tôp tjémbi di Ane
Ni kwel inyu yi lelaa ni nla ti mut makénd i mbus likoda tole iloole likoda li mbôdôl
Ni kôôba ngim nkwel u u ga tagbe i likoda

LIKALÔ:

Ni kôôba inyu likalô
Ni kôôba mapeple manan
Ni hégda le ni yé i boñ mam manan ma hiki kel, ni kôôba inyu bôdôl nkwel ni minyaô
Ni kal ngim mam ni sômbôl boñ inyu kéñbaha nson nan i ngéda Bilôp bi Nwet, i ngéda noi tole i ngéda suklu

NGÔÑ LIHAA:

Ni hégda le ni yé i bisu bi ngim jam kiki hihéga, ba yé nyégsa bé i yoñ ngaba i mam ma m’ bô, mut a yé i kônha bé woñi, ba naña bé i ngim ngand, kii ni yé le ni boñ, kii ni yé le ni kal inyu yémbél i ndutu i?
Ni nla boñ ngim ntuk i het bagwal ba nyila boñge, yak boñge ba yila bagwal. I mbus boñge ba boñ nyiña ba hôla ki bagwal bap i nok ngim biniigana

MAKEÑGE DI NLA KÔNDE:

Ni béñge JW Nkuu biliñgeliñge ni kwélél ki mu
Ni ñañ ngim ño nkwel tole ni béñge ngim vidéô i jw.org, ni kwélél ki mu
Pohol ngim ño nkwel i homa nunu le “Boñge ba wanda” tole i homa nunu le “Boñge batitigi” u nla léba miño mi minkwel mi homa nunu le “BINIIGANA BI BIBEL” i jw.org
Ni tiimba wan i mam ni bi tila i likoda li ndôn
Ni memle bihégél, i mbus ni boñ minyiña mu, ni kwel inyu yi kii hala a niiga bé inyu Yéhôva
Ngim mangéda u nla naña lôk kéé ipe u bat bo mambadga
Ni téé ngim mam ni nsômbôl yônôs i pes mbuu, ni kwel inyu yi lelaa ni nla yônôs mo
Ni sal ntôñ inyu bañ ngim titii i nkoñ

Tuk VIDÉÔ le Kônde lémés bibégés bi ndap lihaa. I mbus, bat baemble i mbadga ini:

Lelaa isañ mbai a nla boñ le bibégés bi ndap lihaa bi lémél nwaa wé i ngéda bon ba ta ha bé i ndap?

Ndimbhe yoñ

8. Yigil i Bibel i likoda

(30 man.) bt pes 13 § 17-24