Makeñge Inyu Yigil

Léba bilem bi Yéhôva bipe

I ngéda di ñañ Bibel, di nla boñ ngandak minyiña inyu tibil nok i yom di ñañ. Ndi, di mboñ bé nyiña ndik inyu kéñbaha yi yés. Di gwé ngôñ i léba bilem bi Yéhôva bi bi ga hôla bés i kônde gwés nye. Inyu pam i boñ hala, di nla badba le: ‘Kii nlôñ u Bibel unu u niiga me inyu Yéhôva?’

Kiki hihéga, di nla yéñ yi lelaa Yéhôva a ñunda gwéha yé, pék yé, telepsép yé ni ngui yé. Ndi bilem bi Yéhôva gwobisôna bé bi, a gwé bipe bi bi ñôt bés i nyeni. Hee homa di nla léba bilem bi?

Béñge i kaat ini le Ñéga inyu nyiña u bikaat bi Mbôgi Yéhôva, i homa le “Miño mi minkwel,” u pohol unu le “Yéhôva Djob,” i mbus, u kee isi man ño nkwel le “Bilem bi Yéhôva.”