Nigil inyu hôla bôt bape

Yigil i nkônha bés maséé, ndi i ngéda di ñañle bôt bape i mam malam di nigil, di nkônde ba maséé. Kaat Bingéngén 11:25 i nkal le: “Nu a nti bôt bape malép ma nyo, yak nye ba ga ti nye malép ma nyo.”

I ngéda di ñañle bôt bape i mam di nigil, bun bé le di hôya mo, di nkônde yak nok mo loñge. Kiki i mam ma ma nhôla bôt bape, jon di yé maséé i ngéda di ñañle bo mo.​—Minson mi baôma 20:35.

Noode le likeñge lini: Mu dilo di nlo, yéñ manjel i añle bôt bape i mam u nigil. U nla añle mo mut won lihaa, mankéé wada mu likoda joñ, mut we ni nye ni nsal, mut we ni nye ni yé i suklu, mut woñ libôk, tole mut u mboma i likalô. I ngéda u nkal bo mam u nigil, noode gwélél bibuk gwoñ wemede, bibuk bi bi ntomb, bi bôt ba nla nok ibabé ndutu yo ki yo.

Bigda le: U nlama añle bôt i mam u nigil inyu lédés bo, u ta bé ha inyu nene.​—1 Korintô 8:1.