Libo ngambi ni liemb bi yé béba

Satan a ngwés le u bôñôl makañ. Ngandak bôt i nti basôgôl ni mimbuu bisesema inyu sôñ bo i béba. Ba mboñ hala inyule ba nkon ngui i nkoñ mimbuu woñi. Ba nhaba dilonde ni minkôm mi makañ. Ba nyo, ba hobaga “bee” inyule ba nhoñol le bi gwé ngui makañ. Bôt bape ba nsôô gwom bi ba nhoñol le bi nla sôñ bo, ikété yap mandap tole ba nhue gwo isi. Bape ba ngwélél “bee” bi makañ inyule ba nhoñol le bi nla ti bo masoda i kôhna bibôlô, i net manoodana tole i kôhna mabii.

Lisolbene joñ li nsôk bôk i kolba Satan li yé le u bana Yéhôva kii liwanda. Yéhôva ni biañgel gwé ba nlôôha bana ngui iloo Satan ni mimbuu nwé mimbe. (Yakôbô 2:19; Masoola 12:9) Ñem u nlék Yéhova le a éba ngui yé inyu mawanda mé—i bet miñem nwap mi yé peles ni nye.—2 Miñañ 16:9.

Bañga i Djob i nkal le: “U nlama bé bo ngambi.” Yéhôva a ñoo ngambi ni liemb inyule maboñok ma ma nla ha mut kunda yada i si énél i Satan Nsohop.—Lôk Lévi 19:26.