Njee a bé Yésu?

Yéhôva a om Yésu hana isi. 1 Yôhanes 4:9

Ibale di nyéñ lémél Yéhôva,di nlama ki emble ntôô mut umpe. I kôba ni kwañ, ilole a nheg Adam, Yéhôva a heg mpémba añgel wada i ngii.

Mbus ngéda, Yéhôva a om nye le a gwééne i Béthléhém ni njel higonda hi konji le Maria. Ba o man nu jôl le Yésu.​—Yôhanes 6:38.

Ngéda a bé hana isi kikii mut binam, Yésu a kôna bilem bi Djob nya i yôni. A bé mut loñgeñem, mut ngwéha, mut bôt ba nkôôge bebe. Ibabé woñi, a niiga bôt bape maliga inyu Yéhôva.

Yésu a boñ loñge, ndi ba oo nye. 1 Pétrô 2:21-24

Baéga base ngéda Yésu ba oo nye inyule a ba yelel biniigana gwap bi bitembee ni manjel map mabe.

Yésu a mélés bakokon, a témbna ki bahogi ba ba bi wo i niñ.

Baéga base ba nyuge Lôk Rôma le Yésu a biba ni le a nôla.