Kii nyemb Yésu i nkobla inyu yés?

Yésu a wo inyu boñ le bés di niñ. Yôhanes 3:16

Dilo diaa i mbus nyemb Yésu, bôda bahogi ba lo i béñge soñ, ba léba le i yé hôlô. Yéhôva a bi tugul Yésu ikété bawoga.

I mbus, Yésu a pémél baôma bé.

Ñ, Yéhôva a bi témbna Yésu i niñ kikii mpémba hégél i mbuu u u ga wo ha bé. Banigil ba Yésu ba tehe nye kikii a ba témp ngii.

Djob a bi tugul Yésu, ndi a téé nye Kiñe Ane Djob. Daniel 7:13, 14

Yésu a ti niñ yé binoñ inyu kobol bôt ba binam. (Matéô 20:28) Ni njel binoñ bi, Djob a yible bés njel niñ boga.

Yéhôva a téé Yésu Kiñe inyu énél hisi. Lôñni nye b’a ba 144.000 ma bôt ba maliga ba ba nyôña hana isi ni njel bitugne inyu niñ i ngii. Yésu, lôñni i 144.000 i, bon ba mbot énél i ngii i telepsép​—Ane Djob.​—Masoola 14:1-3.

Ane Djob y’a yilha hisi paradis. Gwét, manola, liyep, ni njal gw’a ba ha bé. Bôt b’a kon masé ngandak.​—Tjémbi 145:16.