Lelaa u ntehe Bibel?
Baa w’a kal le i yé . . .
kaat i nlôl ni pék mut binam?
kaat dingaana ni miñañ mi mbuma ñañ?
kaat i nlôl ni Djob?
KII BIBEL I NKAL
“Tilna yosôna i nlôl ni Nyambe.”—2 Timôtéô 3:16, Ngobol mbok yondo.
HALA A NLA KOBLA LAA INYU YOÑ
Mandimbhe ma ma kôli i mambadga makeñi ma niñ.—Bingéngén 2:1-5.
Maéba inyu éga niñ i hiki kel.—Tjémbi 119:105.
Bañga botñem inyu bilôl.—Rôma 15:4.
BAA DI NLA TOI HÉMLE KII BIBEL I NKAL?
Ñ di nla, inyu manjom to maa:
Liada li nhélha. Bibel i bi tilbana i pôla 1600 ñwii ni bebe le 40 ma bôt. Bebee ni bobasôna ba bi bomna bé tokel, wada ni nunu. Ndi to hala, liada li nene ikété kaat yosôna, ni ño nkwel wada!
Miñañ mi maliga. Baañal miñañ ba nyégi i hô bikwo bi matén map. Ndi i mahéñha, batila Bibel ba bi añal maliga inyu mahôha map ni ma ma loñ yap.—2 Miñañ 36:15, 16; Tjémbi 51:1-4.
Mbañ ba nla bôdôl ñem. Bibel i bôk pot inyu tjiba i nkoñ u Babilôn nu kwañ, jam kiki 200 ñwii i bisu. (Yésaya 13:17-22) I bi yelel ndik bé lelaa Babilôn a bé lama kwo, ndi i bi ti yag jôl li mut nu a bé lama ba nkat nkoñ!—Yésaya 45:1-3.
Ngandak mbañ i Bibel ipe i bi yon ikété matode matitigi. Ndi baa hala bé nyen di mbémél inyu Bañga i Djob?—2 Pétrô 1:21.
HOÑOL LE
Lelaa Bañga i Djob i nla lémés niñ yoñ?
Bibel i ntimbhe mbadga i i YÉSAYA 48:17, 18 ni 2 TIMÔTÉÔ 3:16, 17.