Baa bawoga ba nla toi témb i niñ?

KII BIBEL I NKAL

“Bitugne bi ga ba.”​—Minson mi baôma 24:15, Ngobol mbok yondo.

HALA A NLA KOBLA LAA INYU YOÑ

Hogbe ngéda bôt di ngwés ba nwo.​—2 Korintô 1:3, 4.

Kobla i woñi nkeñi u nyemb.​—Lôk Héber 2:15.

Bañga botñem i kodba ki ni bagwéha boñ ba ba bi wo.​—Yôhanes 5:28, 29.

BAA DI NLA TOI HÉMLE KII BIBEL I NKAL?

Ñ di nla, inyu manjom to maa:

• Djob a yé Nhek niñ. Bibel i nsébél Yéhôva Djob le “lingen li niñ.” (Tjémbi 36:10; Minson mi baôma 17:​24, 25) Nu a bi ti bihégél bi ñhép gwobisôna niñ a kôli ki i témbna i niñ mut a nwo.

• Djob a bi tugul bôt i bisu bi ngéda. Bibel i nti ñañ u bôt juem​—boñge, minhôôlak mi bôt, bôlôm, ni bôda—​ba ba bi témb i niñ hana isi. Bahogi i pôla yap ba bi tip wo, ndi wada a bi yén i soñ dilo dina!​—Yôhanes 11:39-44.

• Djob a nkon ki ngôñ i boñ nlélém. Yéhôva a mpidbe nyemb; a ntehe yo kiki ñoo. (1 Korintô 15:26) A “nyamnda ni ngôñ” i yémbél ñoo nu, i mélés nyemb ni njel bitugne. A nkon ngôñ i témbna i niñ bôt ba yé nye mahoñol, ni i tehe bo kiki b’a kônde niñ hana ’isi.​—Hiôb 14:14, 15.