Njee a ñénél toi nkoñ isi?

KII BIBEL I NKAL

“Nkoñ ’isi wonsôna u yé isi ane i mut mbe.”​—1 Yôhanes 5:19.

“Inyu njom ini nyen Man Nyambe a bi lo, le a tjé minson mi Nsohop.”​—1 Yôhanes 3:8, Ngobol mbok yondo.

HALA A NLA KOBLA LAA INYU YOÑ

Bañga ndoñol i mandutu ma nkoñ ’isi.​—Masoola 12:12.

Njom inyu hémle le nkoñ ’isi wés w’a ke i lama.​—1 Yôhanes 2:17.

BAA DI NLA TOI HÉMLE KII BIBEL I NKAL?

Ñ di nla, inyu manjom to maa:

• Énél i Satan i nkôs mbagi i tjiba. Yéhôva a nyoñ makidik inyu mélés énél i Satan i ngii bôt ba binam. A mbôn le a’ “tjé . . . Nsohop,” a sas ndutu yosôna Satan a nlona.​—Lôk Héber 2:14, Ngobol mbok yondo.

• Djob a mpohol Yésu le a énél nkoñ ’isi. Yésu a yé mahéñha i manjel momasôna ni nu a ñénél nkoñ ’isi i len ini ikété njôô ni miñheña. Inyu ane i Yésu, Djob a mbôn le: “A’ kônôl yañga mut ni hiyeyeba ngoo . . . A’ sôñ bo i moo ma bôt ba ntét bo, ba boñok bo béba.”​—Tjémbi 72:13, 14.

• Djob a nla bé tembee. Bibel i nyighe le: “Nyambe a nla bé tembee.” (Lôk Héber 6:18) Ngéda Yéhôva a mbôn le a mboñ jam, li yé wengoñle li mal bôña! (Yésaya 55:10, 11) “Ñane nkoñ ’isi unu a’ léña i mbégdé.”​—Yôhanes 12:31.