Masoola ma Yôhanes a bi kôs

Ngéda ñôma Yôhanes a bé i mok i ôn Patmôs, Yésu a bi unda nye mam ma bé lama lo ni njel 16 biyiinda, tole bititii, bi bé noñna, yada ni yada. Biyiinda bi, bi bé toñol lelaa jôl li Yéhôva li bé lama tééba lipubi, Ane yé i loo, ni sômbôl yé i bôña isi kiki i ngii.

Ikété yiinda yada, Yôhanes a ntehe Yéhôva a yii i yééne yé ane, nyoo ngii; a bak nkéñga ni 24 mimañ, mi mi gwé bipuba bi mambot ni mintut mi gôl ngii miño. Nwegnwek, ni mbimba, ni mbambat bi lôlak i yééne ane. Ini 24 miman i ñôôp bisu bi Yéhôva inyu bégés nye. Ikété yiinda ipe, a ntehe limut likeñi li nlôl biloñ gwobisôna, ni matén momasôna, ni dilémb tjodisôna, inyu bégés Yéhôva. Man ntômba le Yésu, a ntééda bo, a ken-ga bo mangen ma malép ma niñ. Ikété yiinda ipe ki, a ntehe Yésu a mbôdôl énél kiki Kiñe i ngii, lôñni 24 mimañ. Mu yiinda i noñ, Yôhanes a ntehe Yésu a njôs kômnyoo le Satan, lôñni mimbuu nwé mimbe. Yésu a mbuñga bo ngii, inyu leñ bo isi.

Mbus, Yôhanes a ntehe yiinda i nlôôha lam, i het Man Ntômba lôñni 144 000 bôt, ba téé i ngii hikôa Siôn. A ntehe ki añgel i mpuue, i kiiñaga ni hisi hiosôna, i kalak bôt le ba kon Djob woñi, ba ti ki nye lipém.

Ikété yiinda i noñ, gwét bi Armagédôn bi mbôô. Mu gwét bi, Yésu ni ntôñ wé gwét ba mbum hiai hibe hi Satan. I yiinda i nsôk, Yôhanes a ntehe bañga nsañ ni adna bi yé i ngii, bi bak ki isi. Satan ni mbôda yé ba ntjiba hies. Hiki mut, i ngii kiki isi, a ntéé jôl li Yéhôva lipubi, a béghak ndik nyetama.