Majubul ma Liboñ 11

Ini pes i njubus bés ikété Bitilna bi bikristen ni hop Grikia. Lihaa li Yésu li bé liyep, li niñik i man tison. A bé sal lôñni isañ, nu a bé kapinda. Yésu nyen a bé lama tohol bôt ba binam. Jon Yéhôva a bi pohol nye kiki Kiñe i Ane ngii yosôna. Ibale u gwé man, hôla nye i diihe nduña Yéhôva a bi yoñ inyu pohol lihaa li Yésu, ni hee homa a bé lama gwééne ni nañ. Éba nye lelaa Yéhôva a bi tohol Yésu inyule Hérôdé a bé sômbôl nol nye, u éba ki nye le jam jo ki jo li nla bé kéñ sômbôl Yéhôva le i yon. Unda nye lelaa Yéhôva a bi bééga Yôhanes mbegee i kôôbana Yésu njel. Yigye, u unda lelaa Yésu a bi éba le ibôdôl nye mañge, a bé gwés pék i Yéhôva.