Lelaa di nla bégés Djob i nya i nlémél nye?

Mu yigil i ntagbe, di ntehe le bibase gwobisôna bi nlémél bé Djob. Maselna ni hala, di nla bégés Djob i nya i nlémél nye. Umbe ntén “bibégés [tole base]” i nlémél nye? (Yakôbô 1:27, matila isi lipep) Di béñge biniigana bi Bibel.

1. Hee di nlama yôñôl biniigana gwés?

Di nlama yôñôl gwo ikété Bibel. Yésu a bi kal le: “Bañga yoñ i yé maliga.” (Yôhanes 17:17) Ngandak bibase i niiga bé i yom i mpémél ikété Bibel. Ilole ba niiga bôt mambén ma Djob, ba niiga bo mambén map bomede ni bilem bi loñ. Ndi Yéhôva a ta bé maséé ni i bôt ba “ngwélél makeñge i yan mbén Nyambe.” (Añ Markô 7:9.) Maselna ni hala, di nla kônha Yéhôva maséé i ngéda di nigil Bibel, di biak ki matiñ mé i bisélél.

2. Lelaa di nlama bégés Yéhôva?

Kiki Yéhôva a yé Nhek wés, nyetama nyen di nlama bégés. (Masoola 4:11) Hala a nkobla le di nlama gwés nye, di bégés ndik nyetama, di gwélél bañ yom yo ki yo, to titii yo ki yo inyu bégés nye.​—Añ Yésaya 42:8.

Bibégés gwés bi nlama ba ‘bipubhaga, bi lémlak’ ki Yéhôva. (Rôma 12:1) Hala a nkobla le di nlama niñ inoñnaga ni matiñ ma Yéhôva. Kiki ’héga, i bet ba ngwés Yéhôva ba nôgôl matiñ mé inyu libii. Ba nkeñgle ki maboñok ma ma nla ôbôs nyuu i mut binam kiki bo i ôt siga, i ôt hibañga ni lihiua.a

3. Inyuki di nlama kodba ni lôk kéé ipe inyu bégés Yéhôva?

I kodba hiki sonde ni lôk kéé i nla hôla bés i “bégés Yéhôva . . . mu likoda.” (Tjémbi 111:1, 2) Di nla gwélél tjémbi inyu bégés Yéhôva. (Añ Tjémbi 104:33.) Yéhôva a nsômbôl le di kee makoda inyule a ngwés bés, a nyi le makoda ma ga hôla bés i bana niñ ilam i boga ni boga. Ngéda di nke i makoda, di ntina makénd wada ni nuu.

KÔNDE TÉM

4. Di gwélél bañ bititii inyu bégés Djob

VIDÉÔ: Baa Djob a neebe le di gwélél bititii inyu bégés nye? (3:26)

• Kii i bi bôña ngéda ngim bôt i litén li Djob i bi gwélél bititii inyu bégés nye ngéda kôba?

Ngandak bôt i ngwélél bitii inyu kôôge bebee ni Djob. Ndi baa hala a nla boñ le Djob a kôôge bés bebee? Añ Manyodi 20:4-6 ni Tjémbi 106:35, 36, i mbus ni kwélél mambadga mana:

• Bimbe bititii we u ma tehe bôt ba ngwélél inyu bégés Djob?

• Lelaa Yéhôva a ntehe i bôt ba ngwélél bititii inyu bégés nye?

• Kii we u nhoñol inyu ligwéélak li bititii inyu bégés Djob?

5. I bégés ndigi Yéhôva i nkobol bés ni bikwéha bi biniigana

VIDÉÔ: Boniface Kwamlah: Maliga ma bi kobol me (5:16)

Añ Tjémbi 91:14, i mbus ni kwélél mbadga ini:

• Kii Yéhôva a mbôn i bet ba ñéba le ba mbégés ndik nyetama?

6. Di mbégés Djob ni njel makoda

Di mbégés Yéhôva, di tinak bape makénd ngéda di ntôp tjémbi di bibégés ni ngéda di nti mandimbhe i makoda. Añ Tjémbi 22:22, i mbus ni kwélél mambadga mana:

• Baa u yé u nkon maséé ngéda u nok bôt ba ntimbhe i makoda?

• Baa yak we u yé le u kôôba inyu ti ndimbhe?

7. Yéhôva a nkon maséé ngéda di ñañle bôt bape i mam di nigil

Di nla gwélél ngandak manjel inyu añle bôt bape i mam di nigil ikété Bibel. Añ Tjémbi 9:1 ni 34:1, i mbus ni kwélél mbadga ini:

• Limbe jam u nigil ikété Bibel u nsômbôl añle mut numpe?

I SEM KWEP

Inyu lémél Nhek wés, di nlama ndik bégés nyetama, di kee makoda, di añle ki bôt bape i mam di nigil ikété Bibel.

Mambadga ma mbigda

• Lelaa di nla bégés Djob i nya i nlémél nye?

• Inyuki di nlama bégés ndik Yéhôva nyetama?

• Inyuki di nlama kodba ni lôk kéé ipe inyu bégés Djob?

KÔNDE YÉÑ

Munu ñañ unu le “Je ne suis plus esclave des idoles,” añ lelaa muda wada a bi pam i mok mi bégés bisat.

“La Bible transforme des vies” (La Tour de Garde, 1er juillet, 2011)

Nigil kii i nla hôla we i ti mandimbhe i makoda.

“Bégés Yéhôva ikété likoda” (Nkum Ntat, Kondoñ 2019)

Béñge lelaa makoda ma bi hôla mañge munlôm wada to hala kiki hala a bé bé nye bun i ke makoda.

Yéhôva a bi tôñ me (3:07)

Ngandak bôt i ngwélél mbasa inyu bégés Djob, ndi baa di nlama toi gwélél mbasa?

“Inyuki Mbôgi Yéhôva i ngwélél bé mbasa inyu bégés Djob?” (Kee i jw.org)