Watchtower KOBOT BIKAAT I INTERNET
Watchtower
KOBOT BIKAAT I INTERNET
Basaa (Kamerun)
Ñ
  • É
  • é
  • Ñ
  • ñ
  • BIBEL
  • BIKAAT
  • MAKODA
  • lff hiémbi 55
  • Nit likoda joñ

Vidéô yo ki yo i nene bé mu lipohlak lini.

Di mbat nwéhél, hihôha hi mbôña i mayibil ma vidéô.

  • Nit likoda joñ
  • Niñ ilam i boga ni boga!—Yigil Bibel kiki nkwel
  • Bon ba miño
  • Minkwel mi mpôna
  • KÔNDE TÉM
  • I SEM KWEP
  • KÔNDE YÉÑ
  • Di nti Yéhôva mayéga inyu gwéha nan
    Niñ yés ni nson wés u bikristen—Kaat likoda li ñem sonde—2021
  • “Likébla inyu Yéhôva”
    Niñ yés ni nson wés u bikristen—Kaat likoda li ñem sonde—2018
  • Kii Bibel i niiga inyu bôlô ni moni
    Niñ ilam i boga ni boga!—Yigil Bibel kiki nkwel
  • Inyuki di nlama ti i nwet a gwé gwom gwobisôna?
    Nkum Ntat u ñañal Ane Yéhôva (Yigil)—2018
Jôga ipe
Niñ ilam i boga ni boga!—Yigil Bibel kiki nkwel
lff hiémbi 55
Pes 55. Bilôk bikéé bi bôda ni bi bôlôm bi yé i bôñgôl Ndap Ane, yak bôt bape ba nlo i hôla.

PES 55

Nit likoda joñ

Kiki kaat i mapep
Kiki kaat i mapep
Kiki kaat i mapep

Ikété nkoñ ’isi wonsôna, Yéhôva a gwé didun di didun di bagwélél ba ba yé ntjamak ikété dikôô di dikôô di makoda. Bagwélél ba Yéhôva ba, ba yé maséé i kôs biniigana ni maéba, jon yak bo ba ngwélél ngandak manjel inyu nit makoda. Baa yak we u nôgda nlélém jam inyu likoda joñ?

1. Lelaa u nla gwélél ngui yoñ ni ngéda yoñ inyu nit likoda joñ?

Ikété likoda, bôt bobasôna ba yé nseñ. Kiki ’héga, ibale i likoda joñ, ni gwé lôk kéé i i yé mimañ mi bôt i bak bibôk, yak we u nla lona bo mahôla. Kiki bo i kena bo i makoda, i bôñôl bo bôm, tole i hôla bo i boñ mapubi i ndap (Añ Yakôbô 1:27.) U nla ki yoñ bitelbene i boñ mapubi ni i bôñgôl Ndap Ane. Mut nye kiki nye a nyégsa bé bés i boñ i mam ma. Ndi gwéha yés inyu Djob ni lôk kéé yoñ i ntinde bés i ‘ti [bésbomede] nkikip ni ñem wés wonsôna.’—Tjémbi 110:3.

Lôk kéé i i yé nsôblege ikété likoda i nla bana bisai bipe. Lôk kéé i bôlôm i i yé nsôblege, i yônhak ngim matode ma Bibel, i nla yila bahôla nson, i mbus ngéda mimañ. Lôk kéé i bôda ni i bôlôm i nla yoñ bôlô nsañal inyu kéñbaha nson wap u likalô. Ngim lôk kéé i nit maoñ ma mandap ma Ane, bape ba nke i het ngôñ batéé likalô i yé.

2. Lelaa di nla nit likoda jés ni bigwel moo gwés?

Di nla ‘ti Yéhôva lipém ni tik [yés] gwom.’ (Bingéngén 3:9) Hala a yé bés nsima nkeñi i gwélél bigwel moo gwés ni gwom bipe di gwé, inyu nit nson likalô i likoda jés, ni i nkoñ ’isi wonsôna. (Añ 2 Korintô 9:7.) Makébla més ma nhôla ki i ngéda ndutu i nkwo. Ngandak bagwélél ba Djob i ‘ntééda ngim yom ipañ’ inyu makébla. (Añ 1 Korintô 16:2.) Bape ba ngwélél donate.jw.org. Bape ki ba ngwélél dikukuu di yé mandap més ma Ane. Manjel ma momasôna ma ñéba le di ngwés nit nson u Yéhôva ni bigwel moo gwés.

KÔNDE TÉM

Béñge mam u nla boñ inyu nit likoda.

3. Di nla gwélél bigwel moo gwés

Yéhôva bo Yésu ba ngwés i mut a nti ni ñem maséé. Kiki hihéga, kel yada Yésu a bi yimbe hiyeyeba hi yik muda hi hi bé ti makébla. Añ Lukas 21:1-4, i mbus ni kwélél mambadga mana:

  • Baa i nsômbla le u ti ngandak moni inyu boñ le likébla joñ li lémél Yéhôva?

  • Kii Yéhôva bo Yésu ba nôgda i ngéda di nti ni ñem wés wonsôna?

Inyu yi lelaa makébla més ma ngwéélana, tuk VIDÉÔ. I mbus ni kwélél i mbadga ini:

VIDÉÔ: ‘Likébla inyu Yéhôva’ (4:47)

  • Lelaa makébla més ma nit nson i makoda ma nkoñ ’isi wonsôna?

Ñunuk mankéé nu muda wada u yé i ha makébla i hikukuu.

4. Di nla ti bésbomede ni ngôñ

I ngéda kôba, bagwélél ba Yéhôva ba bé ti bigwel moo gwap, ba bé sal ki ni ngui inyu lémés bahoma ba bibégés. I bé béda bo moni ni gwom bipe. Añ 2 Miñañ 34:9-11, i mbus ni kwélél i mbadga ini:

  • Kii hiki man Israel a bé a boñ inyu éba le yak nye a nyoñ ngaba i bôñgôl témpel?

Inyu tehe lelaa Mbôgi Yéhôva i nkôna bagwélél ba Djob ba behee, tuk VIDÉÔ. I mbus ni kwélél mambadga mana:

VIDÉÔ: I bôñgôl bahoma bés ba bibégés (3:31)

Titii i vidéô le: ‘I bôñgôl bahoma bés ba bibégés.’ Bôlôm, bôda, ni boñge ba yé i pubus Ndap.
  • Inyuki i yé loñge le Ndap yés Ane i ba mapubi, i bak ki mbôñglak loñge?

  • Mambe mahôla u nla lona?

Lôk kéé i yé likoda.

5. Lôk kéé i bôlôm i nla gwel ngim minson ikété likoda

Bibel i nti lôk kéé i bôlôm makénd le ba nlama yônôs ngim minson ikété likoda. Inyu béñge ngim hihéga, tuk VIDÉÔ. I mbus ni kwélél mbadga ini:

VIDÉÔ: A lôk kéé i bôlôm boña biliya i gwel nson nlam (5:19)

  • Mu vidéô, lelaa Ryan a bi kônde boñ biliya inyu nit likoda?

Bibel i nsima ngim matode lôk kéé i bôlôm i nla yônôs inyu yila bahôla nson tole mimañ. Añ 1 Timôtéô 3:1-13, i mbus ni kwélél mambadga mana:

  • Mambe matode bilôk bikéé bi bôlôm bi nla yônôs inyu yila bahôla nson tole mimañ?

  • Bimbe bilem bôt bé ba lihaa ba nlama bana? —Béñge minlôñ 4 ni 11.

  • I ngéda bilôk bikéé bi bôlôm bi mboñ biliya i hôlôs bilem bilam bini, umbe nseñ likoda jolisôna li nla bana?

Njôhok mankéé nu munlôm a yé likalô li mandap ni mandap ni ñunuk mankéé nu munlôm u u yii i yééne i bibôk bi bôt.

BÔT BAPE BA NLA BAT LE: “Hee Mbôgi Yéhôva i nyôñôl moni inyu gwel minson wap nwominsôna?”

  • Lelaa w’a ntimbhe?

I SEM KWEP

Yéhôva a yé maséé i ngéda u ngwélél ngéda yoñ, ngui yoñ ni bigwel moo gwoñ inyu nit likoda.

Mambadga ma mbigda

  • Lelaa u nla gwélél ngéda yoñ ni ngui yoñ inyu nit likoda?

  • Lelaa u nla gwélél bigwel moo gwoñ inyu nit likoda?

  • Mambe manjel u nla gwélél inyu nit likoda joñ?

Jam u nla boñ

KÔNDE YÉÑ

Béñge inyuki Djob a mbat ha bé bagwélél bé le ba saa jôga jada ikété jôm.

“Kii Bibel i nkal inyu jôga jada ikété jôm?” (Kee i jw.org)

Bibel i nti lôk kéé i bôlôm i i yé nsôblege ngim minson. Baa yak mankéé nu muda a nla gwel i minson mi?

“Tel i mañ ikété likoda” (Nkum Ntat, Matjel 2021)

Biliya Mbôgi Yéhôva i mboñ inyu kena lôk kéé bikaat.

I tjam bikaat bi mpôdôl Bibel i loñ Kôngô (4:25)

I ngéda Mbôgi Yéhôva i ngwel minson nwap, baa ba nsaa bo?

“Hee moni mi nlôl inyu nson wés?” (Kee i jw.org)

    Bikaat ni hilémb Basaa (1996-2024)
    Mapémél
    Lijubul
    • Basaa (Kamerun)
    • Kap
    • Pohol libamblak
    • Copyright © 2025 Watch Tower Bible and Tract Society of Pennsylvania
    • Matéak inyu ligwélél
    • Matiñ ma nsôñ biniñ bi bôt
    • Paramètres de confidentialité
    • JW.ORG
    • Lijubul
    Kap