Watchtower KOBOT BIKAAT I INTERNET
Watchtower
KOBOT BIKAAT I INTERNET
Basaa (Kamerun)
Ñ
  • É
  • é
  • Ñ
  • ñ
  • BIBEL
  • BIKAAT
  • MAKODA
  • lff hiémbi 17
  • Umbe ntén mut Yésu a yé

Vidéô yo ki yo i nene bé mu lipohlak lini.

Di mbat nwéhél, hihôha hi mbôña i mayibil ma vidéô.

  • Umbe ntén mut Yésu a yé
  • Niñ ilam i boga ni boga!—Yigil Bibel kiki nkwel
  • Bon ba miño
  • Minkwel mi mpôna
  • KÔNDE TÉM
  • I SEM KWEP
  • KÔNDE YÉÑ
  • Njee a yé Yésu?
    Niñ ilam i boga ni boga!—Yigil Bibel kiki nkwel
  • Njee a yé Yésu Kristô?
    Kii Bibel i niiga bés?
  • Kii Yésu a bi boñ ngéda a bé hana ’isi?
    Niñ ilam i boga ni boga!—Yigil Bibel kiki nkwel
  • “Me nsébél bé le mawanda mem”
    Nkum Ntat u ñañal Ane Yéhôva (Yigil)—2020
Jôga ipe
Niñ ilam i boga ni boga!—Yigil Bibel kiki nkwel
lff hiémbi 17
Pes 17. Yésu a mboñ hélha jam, a nsambal moo mé, a mbuubaha mut wada nu a nkon.

PES 17

Umbe ntén mut Yésu a yé?

Kiki kaat i mapep
Kiki kaat i mapep
Kiki kaat i mapep

Ngéda di mbéñge i mam Yésu a bi pot ni ma a bi boñ ngéda a bé hana ’isi, di ntehe bilem bilam gwé bi bi ñôt bés ipañ yé ni ipañ Isañ, Yéhôva. Bimbe bilem bilam Yésu a gwé? Lelaa di nla kôna nye i niñ yés?

1. Inyuki di nla kal le Yésu a yé kiki Isañ?

I ngii, Yésu a bi tégbaha didun ndi didun di nwii ipañ Isañ Nugwéha. A niglak ngandak mam ipañ yé. Sôk i nsôk, a bi bôdôl hoñol, a nôgdaga, a boñok mam kiki Isañ. (Añ Yôhanes 5:19.) I pot maliga, Yésu a bi kôna libak li Isañ kayéle a bi kal le: “Nu ni nu a ntehe me, wee a ntehe yak Tata.” (Yôhanes 14:9) Mu kiki u nke ni bisu i tibil yi Yésu, u ga pam i yi Yéhôva loñge. Kiki ’héga, konañgoo Yésu a bé éba bôt i ñunda ipam limbe likala Yéhôva a ntôñ we.

2. Lelaa Yésu a bi éba le a ngwés Yéhôva?

Yésu a bi kal le: “Inyu boñ le nkoñ ’isi u yi le me ngwés Tata, me mboñ mam ndik kiki Tata a bi ti me oda le me boñ.” (Yôhanes 14:31) Ngéda a bé i nkoñ ’isi, Yésu a bi éba njôôñ gwéha inyu Isañ ni njel manôgla mé to ngéda hala a bé lédél nye. Inyule a bé gwés Isañ jon a bééna lem i yis bôt bape njee Isañ a yé, ni i hôla bo i bana maada malam ni Nye.​—Yôhanes 14:23.

3. Lelaa Yésu a bi unda le a ngwés bôt?

Bibel i nkal le Yésu a bé gwés “bon ba bôt ngandak.” (Bingéngén 8:31, matila isi lipep) A bé unda le a ngwés bo ni njel hogbe ni mahôla a bé ti bo. Bihélha bi mam a bi boñ bi bé éba ndik bé ngui yé, ndi bi bé éba yak konangoo yé. (Markô 1:40-42) A bé éba bôt bobasôna loñge ñem, a bé todol bé bôt. Bibañga gwé bi bé ti gwañga bi bôt bi bi bé emble nye hogbe ni botñem. I gwéha Yésu a bééna inyu bôt ba binam i bi tinde nye i nok ndutu ni i wo inyu yap. Ndi téntén, a bé gwés i bet ba bé gwés biniigana gwé.​—Añ Yôhanes 15:13, 14.

KÔNDE TÉM

Kônde nigil i yi libak li Yésu. U tehe ki lelaa yak we u nla éba gwéha ni lem likap kiki nye.

4. Yésu a ngwés Isañ

Hihéga hi Yésu hi ñéba bés lelaa di nla éba Djob le di ngwés Nye. Añ Lukas 6:12 ni Yôhanes 15:10; 17:26. I mbus le ni ñañ hiki pes kaat ni kwélél mbadga ini:

  • Kiki Yésu, lelaa di nla éba le di ngwés Yéhôva?

Yésu a yé soohe.

Yésu a bé gwés Isañ inyu hala nyen a bé kwel ni nye ni njel masoohe

5. Yésu a bé tôñ i bôt ba bééna ngôñ ni mahôla

Yésu a bé tôñ bôt bape iloo nyemede. To ngéda a bé nwaak, a bé gwélél ngéda yé ni ngui yé inyu hôla bôt. Añ Markô 6:30-44, i mbus ni kwélél mambadga mana:

  • Munu ñañ unu, lelaa Yésu a bi éba le a ntôñ bôt? (Béñge minlôñ 31, 34, 41, ni 42).

  • Kii i bé tinde Yésu i hôla bôt? (Béñge nlôñ 34).

  • Kiki Yésu a nkôna bilem bi Isañ, kii hala a niiga bés inyu Yéhôva?

  • Yésu a bé tôñ bôt, lelaa yak bés di nla nigle nye?

Yésu a mboñ hélha jam, a njés dikôô di bôt, a mbulus bret itan ni bon ba tjobi diba. Baôma bé ba nkébha bôlôm, bôda ni boñge bijek bi.

6. Yésu a yé mut likap

To hala kii Yésu a bééna bé ngandak gwom, a bé kap i gwom a bééna ni bôt bape. Jon a bi ti bés maéba le di kôna nye, le yak bés di ba bôt ba likap kiki nye. Añ Minson mi baôma 20:35, i mbus ni kwélél mbadga ini:

  • Inoñnaga ni bibañga bi Yésu, kii i nlona maséé?

Tuk VIDÉÔ, i mbus ni kwélél mbadga ini.

VIDÉÔ: “Ti i nlona ngandak maséé”​—Dinyo malép (4:00)

  • To ibale di gwé bé ngandak gwom, lelaa di nla éba le di yé bôt ba likap?

Baa u yik laa?

Bibel i niiga bés le di nlama soohe Yéhôva i jôl li Yésu. (Añ Yôhanes 16:23, 24.) Ngéda di mboñ hala, di ñéba le di nti Yésu mayéga inyule nyen a bi hôla bés i yila mawanda ma Yéhôva.

BÔT BAPE BA NKAL LE: “Hala a ntééñga bé Djob i ngéda di nok ndutu.”

  • Kiki di nyi Yésu le a bé nigle bilem bi Isañ, lelaa maboñok mé ma ñunda le Yéhôva a ntôñ bés?

I SEM KWEP

Yésu a ngwés Yéhôva, a ngwés yak bôt. Kiki Yésu a bi kôna Isañ i nya i nyôni, ibale di nke ni bisu i nigil i yi nye, d’a kônde yi Yéhôva.

Mambadga ma mbigda

  • Lelaa di nla éba le di ngwés Yéhôva kiki Yésu a bé boñ?

  • Lelaa di nla éba le di nkôna Yésu mu kiki di ngwés bôt bape?

  • Bimbe bilem bi Yésu u ngwés ngandak?

Jam u nla boñ

KÔNDE YÉÑ

Di béñge ndék bilem bi Yésu di nla kôna.

“Inyu kôna Yésu, ba . . .” (Yésu​—Njel, maliga ni niñ, lipep 317)

Béñge inyuki di nlama soohe i jôl li Yésu.

“Inyuki di nsoohe i jôl li Yésu?” (Nkum Ntat, 1 Matjel, 2008)

Baa Bibel i nkal bés lelaa Yésu a bé?

“Lelaa Yésu a bé?” (Kee i jw.org)

Yésu a bé tôñ bôda, kii hala a niiga bés?

“Respect et dignité​—deux exigences de Dieu” (La Tour de Garde, 1er septembre, 2012)

    Bikaat ni hilémb Basaa (1996-2024)
    Mapémél
    Lijubul
    • Basaa (Kamerun)
    • Kap
    • Pohol libamblak
    • Copyright © 2025 Watch Tower Bible and Tract Society of Pennsylvania
    • Matéak inyu ligwélél
    • Matiñ ma nsôñ biniñ bi bôt
    • Paramètres de confidentialité
    • JW.ORG
    • Lijubul
    Kap