Njee a yé Yésu?

Yésu a yé mut wada nu a nlôôha yiba ikété nkoñ ’isi. Ngandak bôt i nyi jôl jé, ndi i nyi bé nye loñge. Bôt ba nhoñol ngandak mam inyu yé, ndi kii Bibel yo i niiga inyu Yésu?

1. Njee a yé Yésu?

Yésu a yé añgel i i niñ i ngii. Yéhôva a bi bôk a hek nye ilole a nhek gwom gwobisôna. Inyu hala nyen Bibel i nsébél nye le “mbôkgwéé ikété bihégél gwobisôna.” (Kôlôsé 1:15) Bibel i nsébél ki nye le “mpom wé Man” inyule nyetama nyen Yéhôva a bi hek nyemedemede. (Yôhanes 3:16) Yésu a bi sal lôñ yada ni Isañ Yéhôva, a hôla yak nye i hek mana mam mape. (Añ Bingéngén 8:30.) Yésu a nke ni bisu i kon maséé ni maada ma tôbôtôbô a gwé ni Yéhôva. A bi téñbe i gwel nson wé u nlegelnwin nu Nyambe. A yé “Bañga,” inyule a ñañle bôt nwin u Djob.​—Yôhanes 1:14.

2. Inyuki Yésu a bi lo hana ’isi?

Hala a yé 2 000 nwii le Yéhôva a bi boñ hélha jam. Ni njel mbuu wé mpubi, a bi héya niñ i Man wé nyoo i ngii a ha yo ikété libum li ngond muda i i bé konji le Maria. Hala nyen Yésu a bi gwéé kiki mut binam. (Añ Lukas 1:34, 35.) Yéhôva a bi ep Yésu inyu ba Mésia, tole Kristô inyu tohol bôt ba binam.a Mbañ i Bibel yosôna i i bé pôdôl Mésia i bi yon, i hôla ki bôt i yimbe le Yésu a yé “Kristô, Man Nyambe nu a niñ.”​—Matéô 16:16.

3. Nano, hee Yésu a yé?

I mbus nyemb yé, Yéhôva a bi tugul nye, a yila añgel a témb i ngii. Nyoo, “Nyambe a bi bédés nye i tel i nloo i a bééna.” (Filipi 2:9) Nano, Yésu a yé añgel i i nlôôha bana ngui, ndik Yéhôva nyen a nloo nye.

4. Yésu a ta bé Djob Nu Ngui yosôna

Bibel i niiga le to hala kiki Yésu a yé hégél i mbuu i i gwé ngui, i niñik ki i ngii, a nôgôl Isañ ni Djob jé le Yéhôva. Inyuki di nla kal hala? Tuk VIDÉÔ inyu tehe maselna ma yé ipôla Yésu ni Djob Nu Ngui yosôna.

VIDÉÔ: Baa Yésu a yé Djob? (3:22)

Minlôñ mi Bibel mi noñ ha, mi nhôla bés i yi maada ma yé ipôla Yésu bo Yéhôva. Añ hiki nlôñ, i mbus timbhe mambadga mana:

Añ Lukas 1:30-32.

• Inyuki i jam añgel i bi kal li ñéba le Yésu ni Yéhôva, Nyambe “Nungingii” ba yé maselna?

Añ Matéô 3:16, 17.

• I ngéda Yésu a bi kôs sôble, i kiñ i bé lôl i ngii i bi kal kii?

• U nhoñol le i bé kiñ i njee?

Añ Yôhanes 14:28.

• Ipôla Yéhôva bo Yésu njee a nloo bimañ, njee a gwé ki kunde iloo nuu?

• Kii Yésu a bé sômbôl kal ngéda a bi sébél Yéhôva le Tata?

Añ Yôhanes 12:49.

• Baa Yésu a nhoñol le nye ni Isañ ba yé mut wada? We u nhoñol laa?

5. Kii i nkwés bés nkaa le Yésu a bé Mésia

VIDÉÔ: Yésu a nyônôs mbañ (3:03)

Añ minlôñ mi Bibel mini, i mbus ni kwélél mambadga mana:

Añ Mika 5:2 inyu yi hee Yésu a bé lama gwééne.b

• Baa ligwéé li Yésu li bi yônôs i mbañ ini?​—Matéô 2:1.

Añ Tjémbi 34:20 ni Sakaria 12:10 inyu yi kii Bibel i bi bôk i kal inyu nyemb i Mésia.

• Baa i mbañ ini i bi yon?​—Yôhanes 19:33-37.

• Baa u nhoñol le Yésu nyemede nyen a bi kôôba boñ i mam ma inyu boñ le i mbañ i, i yon?

• Kii hala a niiga we inyu Yésu?

I SEM KWEP

Yésu a yé añgel i i gwé ngui, a yé Man Djob, a bak ki Mésia.

Mambadga ma mbigda

• Inyuki ba nsébél Yésu le “mbôkgwéé ikété bihégél gwobisôna”?

• Kii Yésu a bé boñ ilole a nlo hana ’isi?

• Kii i nyis bés le Yésu a yé Mésia?

KÔNDE YÉÑ

Kônde nigil i mam ma nyis bés le Yésu a yé Mésia.

“Baa mbañ i Bibel i i mpôdôl Mésia i ñéba toi le Yésu a bé Mésia?” (Kee i jw.org)

Baa Bibel i niiga le Yésu a yé Man Djob nlélém kiki bôt ba binam ba ngwal bon?

“Inyuki ba nsébél Yésu le Man Djob?” (Kee i jw.org)

Béñge inyuki biniigana bi Trinitas bi mpémél bé ikété Bibel.

“Baa Yésu a yé Djob?” (Nkum Ntat, 1 Matôp, 2009)

Béñge lelaa niñ i muda wada i bi héñha ngéda a bi nigil i jam Bibel i nkal inyu Yésu.

“Une femme juive explique pourquoi elle a remis sa foi en question” (Réveillez-vous!, mai 2013)