Ñem ngôô

Kii Yésu a bi boñ

VIDÉÔ: Yésu a bi kônôl limut ngoo

1. Béñge VIDÉÔ, tole añ Markô 6:30-34. I mbus, timbhe mambadga mana:

1. Inyuki Yésu ni banigil bé ba bééna ngôñ “i ba botama”?

2. Kii i bé tinde Yésu i niiga mamut?

Kii ndémbél i Yésu i niiga bés?

2. Ñem ngôô u ntinde bés i añle bôt ñañ nlam ni i lôl bo mahôla.

Kôna Yésu

3. Tibil emble. Nwas le mut a ti we mahoñol mé. U kit bañ nye i ngéda a mpot, to yan i yom a nkal. Ibale u ñemble nye loñge, u ñunda nye le u ndiihe i yom a nhoñol.

4. Hoñol i mut a yé a ñemble we. Inoñnaga ni minkwel ni bi bana, badba le:

1. ‘Inyuki a gwé ngôñ i yi maliga?’

2. ‘Lelaa yigil i Bibel i nla hôla nye i bana niñ ilam nano ni i dilo di nlo?’

5. Unda nye i mam ma nla hôla nye mu niñ yé. Ibabé i tiñha, unda nye lelaa yigil i Bibel i ntimbhe mambadga mé, ni lelaa i nla hôla nye mu niñ yé i hiki kel.