Wongut

Kii Yésu a bi boñ

VIDÉÔ: Ni wongut yosôna Yésu a nhôla manyañ

1. Béñge VIDÉÔ, tole añ Yôhanes 7:3-5 ni 1 Korintô 15:3, 4, 7. I mbus, timbhe mambadga mana:

1. I bibôdle, lelaa lôknyañ i Yésu i bi leege likalô jé?

2. Kii i ñunda le Yésu a bi waa bé tééne manyañ Yakôbô likalô?

Kii ndémbél i Yésu i niiga bés?

2. Di nlama bana wongut inyule bôt bahogi ba nhoo bé neebe ñañ nlam kiki bape.

Kôna Yésu

3. Héñha makeñge. Ibale mut a nhoo bé neebe yigil i Bibel, u nyégsa bañ nye. Ndi ibale pôla i nene mu kiki ni mba ni nkwel, bôñôl bividéô tole ngim gwigil inyu unda nye nseñ u yigil Bibel ni lelaa i yigil i i ntagbe.

4. U hégha bañ bôt. Hiki mut a yé maselna ni nuu. Ibale mut woñ lihaa tole ngim mut u mbéna yuuga a nhoo bé neebe yigil i Bibel, tole a neebe bé ngim biniigana bi Bibel, yéñ yi inyuki? Baa hala a yé inyule a tiñi ni ngim biniigana bi base yé? Baa a mboma ngolba i bôt bé ba lihaa tole i bôt bé ba libôga? Ti nye ngéda i soñda i mam malam u nkal nye, ni i tehe nseñ u biniigana bi Bibel.

5. Soohe Yéhôva inyu mut a ngwés ñañ nlam. Soohe nye le a hôla we i ke ni bisu i bana mahoñol malam, ni i pot i nya i mbabaa bé mut. Bat nye le a hôla we i yi too u nlama téé yigil i mut a ndiihe bé maliga.—1 Korintô 9:26.