Ñem ngui

Kii Yésu a bi boñ

VIDÉÔ: Yésu a nti ngwañ mut maéba

1. Béñge VIDÉÔ, tole añ Markô 10:17-22. I mbus, timbhe mambadga mana:

1. Bimbe bilem bilam Yésu a bi tehe yak ngwañ mut unu?

2. Inyuki i bé béda Yésu gwéha ni ñem ngui inyu ti i mut nunu maéba?

Kii ndémbél i Yésu i niiga bés?

2. Inyu hôla i bôt bés ni bo di nigil i hol i pes i mbuu, di nlama kwélés bo ni gwéha, ndi di kalak bo maliga.

Kôna Yésu

3. Hôla nnigil Bibel i bana njômbi ni i yônôs yo.

1. Gwélél i homa nunu le “jam u nla boñ” munu kaat yés le Niñ ilam i boga ni boga!

2. Hôla nnigil i yi i mam a nla yônôs nano, ni ma a ga yônôs i dilo di nlo.

3. Bégés nye hiki ngéda inyu mahol mé.

4. Yimbe i mam ma nla kéñ nye i hol, i mbus, u hôla ki nye i yémbél mo.

1. Badba le:

   • ‘Ibale nnigil Bibel a nhol bé ikepam i sôble, kii i yé njom?’

   • ‘Kii me nla boñ inyu hôla nye?’

2. Soohe inyu bana ñem ngui i kal nye i yom a nlama héñha, u boñ ki hala ni gwéha.

5. Téé gwigil bi bi nhol bé.

1. Yéñ yi too nnigil Bibel a yé i hol, ni mana mambadga:

   • ‘Baa nnigil Bibel a mbii i mam a nigil i bisélél?’

   • ‘Baa a nlo i makoda, a añlege ki bôt i yom a nigil?’

   • ‘Ibale a nigil nano a yé ntandaa ngéda, baa a gwé ngôñ i yila Mbôgi Yéhôva?’

2. Ibale nnigil a ngwés bé hol:

   • Bat nye inyuki yigil yé i nhol bé.

   • Ibabé i babaa nye, toñle nye inyuki u ngwés téé yigil.

   • Kal nye i mam a nlama boñ inyu hol, kayéle ni témb ni bôdôl nigil.